Pune News: सूर्य तळपल्याने राज्याला चटके बसत आहेत. गुरुवारी (ता. २४) सकाळपर्यंतच्या २४ तासांमध्ये ब्रह्मपुरी येथे देशातील उच्चांकी ४५.६ अंश तापमानाची नोंद झाली. आज (ता. २५) विदर्भ, मराठवाडा, मध्य महाराष्ट्रात उष्ण लाट व उष्ण व दमट हवामानाची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. सोलापूर, बीड, लातूर, धाराशिव जिल्ह्यांत पावसाची शक्यता आहे.
मध्य छत्तीसगड, विदर्भ, तेलंगणा, कर्नाटक, तमिळनाडू ते मनारच्या आखातापर्यंत दक्षिणोत्तर हवेचा कमी दाबाचा पट्टा कायम आहे. राज्यात उन्हाचा चटका तापदायक ठरत असून, उकाड्याने घामटा निघत आहे. तुरळक ठिकाणी अंशतः ढगाळ हवामान अनुभवायला मिळत आहे. कोल्हापूर आणि सांगली जिल्ह्यांत तुरळक ठिकाणी वादळी पावसाने हजेरी लावली. तुरळक ठिकाणी गारपिटीची नोंद झाली. कोल्हापुरातील हातकणंगले, सांगलीतील कसबेडिग्रज, जत येथे प्रत्येकी १० मिलिमीटर पावसाची नोंद झाली.
गुरुवारी (ता. २४) सकाळपर्यंतच्या २४ तासांमध्ये विदर्भतील चंद्रपूर येथे देशातील उच्चांकी ४५.६ अंश सेल्सिअस तापमानाची नोंद झाली. चंद्रपूर, अकोला येथे ४५ अंशांपेक्षा अधिक, वर्धा, अमरावती, गडचिरोली, परभणी आणि नागपूर येथे ४४ अंशांपेक्षा अधिक, सोलापूर, धुळे, जळगाव, जेऊर, मालेगाव, यवतमाळ आणि भंडारा येथे ४३ अंश सेल्सिअस तापमान नोंदले गेले. तर छत्रपती संभाजीनगर, धाराशिव आणि गोंदिया येथे पारा ४२ अंशांपार होता.
आज (ता. २५) सोलापूर, परभणी, हिंगोली, नांदेड, अकोला, अमरावती, चंद्रपूर, नागपूर आणि वर्धा येथे उष्ण लाट येण्याची शक्यता असल्याने, तसेच जळगाव, जालना, बीड, लातूर आणि धाराशिव या जिल्ह्यात तुरळक ठिकाणी उष्ण व दमट हवामानाचा अंदाज असल्याने दक्षतेचा इशारा (येलो अलर्ट) देण्यात आला आहे. तर सोलापूर, बीड, लातूर, धाराशिव जिल्ह्यांत दुपारनंतर गडगडाटी वादळासह पावसाची शक्यता हवामान विभागाने वर्तविली आहे.
गुरुवारी (ता. २४) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---४१.२---२४.४
अहिल्यानगर---४०.९---२१.४
धुळे---४३.०---२०.६
जळगाव---४३.०---२५.८
जेऊर---४३.०---२३.५
कोल्हापूर---३७.६---२३.१
महाबळेश्‍वर---३३.४---२०.०
मालेगाव---४३.०---२४.८
नाशिक---४०.२---२३.४
निफाड---४१.२---२२.१
सांगली---३९.३---२२.१
सातारा---४०.७---२५.६
सोलापूर---४३.८---२८.५
सांताक्रूझ---३३.७---२३.५
डहाणू---३६.३---२४.६
रत्नागिरी---३४.१---२६.७
छत्रपती संभाजीनगर---४२.२---२६.५
धाराशिव---४२.८---२४.२
परभणी---४४.१---२६.७
परभणी (कृषी)---४३.१---२१.०
अकोला---४५.०---२७.५
अमरावती---४४.६---२३.७
भंडारा---४३.०---२५.०
बुलडाणा---४०.०---२७.६
ब्रह्मपुरी---४५.६---२६.४
चंद्रपूर---४५.५---निरंक
गडचिरोली---४४.६---२३.८
गोंदिया---४२.५---२३.२
नागपूर---४४.४---२२.०
वर्धा---४४.७---२३.९
वाशीम---४३.०---निरंक
यवतमाळ---४३.८---२४.४
सरासरी तापमान (अंश से.)
विभाग---किमान---कमाल
विदर्भ---२२.०---४५.६
मराठवाडा---२१.०---४४.१
पश्‍चिम महाराष्ट्र---२०.०---४३.८
उत्तर महाराष्ट्र---२०.६---४३.०
कोकण---२४.६---३६.३
४४ अंशांपेक्षा अधिक तापमान असलेली ठिकाणे :
ब्रह्मपुरी ४५.६, चंद्रपूर ४५.५, अकोला ४५, वर्धा ४४.७, अमरावती ४४.६, गडचिरोली ४४.६, परभणी ४४.१, नागपूर ४४.४.
उष्ण लाटेचा इशारा (येलो अलर्ट) :
सोलापूर, परभणी, हिंगोली, नांदेड, अकोला, अमरावती, चंद्रपूर, नागपूर, वर्धा
उष्ण व दमट हवामानाचा इशारा (येलो अलर्ट) :
जळगाव, जालना, बीड, लातूर, धाराशिव
वादळी पावसाची शक्यता (येलो अलर्ट) :
सोलापूर, बीड, लातूर, धाराशिव
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.