Maharashtra Weather: तापमानातील चढ उतार सुरुच; राज्यातील अनेक भागात सकाळी वातावरणातील गारवा वाढला

Pune News: तापमानातील चढ उतार कायम आहेत. सकाळी तापमानात घट होत आहे. मागील चार ते पाच दिवसांपासून राज्यात सकाळी गारवा वाढला. तर दुपारी उन्हाचा चटका चांगलाच वाढलेला आहे.

आज निफाड येथील गहू संशोधन केंद्रात राज्यातील सर्वात कमी ८ अंश सेल्सिअस तापमानाची नोंद झाली. तर सोलापूर येथे सर्वाधिक ३७.४ अंश सेल्सिअस तापमानाची नोंद झाली. राज्यातील तापमानत चढ उतार कायम राहतील, असा अंदाज हवामान विभागाने दिला.

उत्तर भारतातील तापमानातही चढ उतार सुरुच आहेत. आज पंजाबमधील रोपार येथे देशाच्या सपाट भूभागावरील नीचांकी ६.८ अंश सेल्सिअस तापमानाची नोंद झाली. तर मध्य प्रदेशातील कुर्नूल येथे देशातील सर्वाधिक ३८.२ अंश सेल्सिअस तापमानाची नोंद झाली. वायव्य भारतात १२.६ किलोमीटर उंचीपर्यंत १२० नॉट्स वेगाने पश्‍चिमेकडील जोरदार वाऱ्यांचे प्रवाह वाहत आहेत. याचा उत्तर भारतातील तापमानावर परिणाम होत आहे. 

राज्यात निफाड येथील गहू संशोधन केंद्रात राज्यातील नीचांकी ८ अंश सेल्सिअस तापमानाची नोंद झाली. उर्वरित राज्यात बुहतांश ठिकाणी किमान तापमान १० ते २० अंशांच्या दरम्यान होते. राज्याच्या कमाल तापमानात वाढ झाली.

सोलापूरसह, सांगली, जेऊर, परभणी, सांगली येथे ३६ अंश व त्यापेक्षा अधिक तापमानाची नोंद झाली. तर अनेक ठिकाणी तापमान ३५ अंशाच्या पुढे गेले आहे. राज्यातील तापमानात चढ उतार कायम राहील, असा अंदाज हवामान विभागाने दिला.