Pune News: राज्यातील पावसाचा जोर ओसरला असला तरी, काही ठिकाणी ऊन सावल्यांच्या खेळात श्रावण सरी कोसळत आहेत. आज (ता. ३१) विदर्भात विजांसह पावसाच्या सरींची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. तसेच उर्वरित राज्यात ढगाळ आकाशासह तुरळक ठिकाणी हलक्या सरींची शक्यता आहे.
वायव्य मध्य प्रदेश आणि परिसरावर समुद्र सपाटीपासून ७.६ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा बिकानेरपासून, सिकार, दातीया, सिधी, रांची, दिघा ते ईशान्य बंगालच्या उपसागरापर्यंत कायम आहे. मध्य प्रदेशापासून ईशान्य बंगालच्या उपसागरापर्यंत हवेचा कमी दाबाचा पट्टा तयार झाला आहे.
बुधवारी (ता. ३०) सकाळपर्यंतच्या २४ तासांमध्ये कोकण, घाटमाथा आणि मध्य महाराष्ट्र आणि विदर्भात काही ठिकाणी हलक्या ते जोरदार सरींनी हजेरी लावली आहे. बुधवारी दिवसभर मात्र पावसाचा जोर ओसरला आहे. ढगाळ आकाश, पावसाची हजेरी गेले काही दिवस कमाल तापमानाचा पारा सातत्याने ३० अंशांच्या खाली आहे. सोलापूर येथे राज्यातील उच्चांकी ३१.८ अंश सेल्सिअस तापमानाची नोंद झाली.
जुलैच्या अखेरीस राज्यात पावसाने जोमदार हजेरी लावली. त्यानंतर पुन्हा पावसाने उघडीप दिली असून राज्यात ऊन सावल्यांचा खेळ सुरू आहे. आज (ता. ३१) अमरावती, वर्धा, नागपूर, भंडारा, गोंदिया, चंद्रपूर, गडचिरोली जिल्ह्यात विजांसह पावसाच्या सरींची शक्यता असल्याने दक्षतेचा इशारा (येलो अलर्ट) आहे. उर्वरित राज्यात ढगाळ हवामानासह हलक्या पावसाची शक्यता हवामान विभागाने वर्तविली आहे.
बुधवारी (ता. ३०) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२७.५---२१.९
धुळे---२९.०---२०.०
जळगाव---२७.६---२३.३
जेऊर---३१.५---२१.०
कोल्हापूर---२४.९---२१.७
महाबळेश्वर---१८.९---१७.६
मालेगाव---२६.४---२०.८
नाशिक---२६.३---२२.२
निफाड---२७.७----२२.२
सांगली---२८.१---२२.०
सातारा---२५.६---२२.०
सोलापूर---३१.८---२३.८
सांताक्रूझ---२९.६---२६.०
डहाणू---२९.२---२५.०
रत्नागिरी---२९.५---२४.५
छत्रपती संभाजीनगर---२६.४---२२.४
धाराशिव---२८.१---२१.२
परभणी---२७.५---२२.५
परभणी (कृषी)---२७.२---२२.०
अकोला---२७.०---२३.७
अमरावती---२५.४---२१.५
भंडारा---२७.०---२३.०
बुलडाणा---२५.४---२२.२
ब्रह्मपुरी---२५.४---२२.२
चंद्रपूर---२७.२---२३.६
गडचिरोली---२६.२---२२.८
गोंदिया---२७.१---२३.४
नागपूर---२५.७---२३.६
वर्धा---२६.०---२३.६
वाशीम---२५.२---२२.०
यवतमाळ---२५.०---२२.०
विजांसह पावसाची शक्यता (येलो अलर्ट) :
अमरावती, वर्धा, नागपूर, भंडारा, गोंदिया, चंद्रपूर, गडचिरोली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.