डॉ. रामचंद्र साबळे
Monsoon Update: महाराष्ट्राच्या आज (ता. २७) उत्तरेकडील भागावर १००२, तर दक्षिणेकडील भागावर १००४ हेप्टापास्कल इतका हवेचा दाब राहील. त्यामुळे हलक्या ते मध्यम स्वरूपात पावसाची शक्यता निर्माण होईल. उद्या (ता.२८) महाराष्ट्राच्या उत्तरेकडील भागावर १००० हेप्टापास्कल, तर दक्षिणेकडील भागावर १००२ हेप्टापास्कल इतका कमी हवेचा दाब होताच पावसाच्या प्रमाणात वाढ होईल. चांगल्या पावसाची शक्यता राहील. तर दक्षिणेकडील भागात हलक्या ते मध्यम पावसाची शक्यता राहील.
मंगळवारी (ता. २९) पुन्हा उत्तरेकडील भागावर १००२ आणि दक्षिणेकडील भागावर १००४ हेप्टापास्कल इतके हवेचा दाब होताच हलक्या ते मध्यम पावसाची शक्यता राहील. बुधवारी (ता. ३०) हवेचे दाब १००२ हेप्टापास्कल इतके राहून चांगल्या पावसाची शक्यता निर्माण होईल. गुरुवारपासून शनिवार (ता. ३१ जुलै ते २ ऑगस्ट) पर्यंत महाराष्ट्रावर १००४ हेप्टापास्कल इतके हवेचे दाब होताच पुन्हा हलक्या ते मध्यम पावसाची शक्यता राहील.
जुलै महिन्यातील पावसाच्या वितरणावर हवामान बदलाचा मोठा परिणाम झाल्याचे दिसून आले आहे. कोकणातील रायगड, रत्नागिरी, सिंधुदुर्ग, पश्‍चिम महाराष्ट्रातील कोल्हापूर व सांगली आणि मध्य विदर्भातील यवतमाळ या सहा जिल्ह्यांतच केवळ सरासरीइतका पाऊस झाला आहे. उर्वरित ३० जिल्ह्यांत १६ जुलैपर्यंत सरासरीपेक्षा कमी किंवा अत्यंत कमी पाऊस झाल्याचे चित्र आहे. त्याचा खरीप पिकांच्या वाढीवर मोठा परिणाम झाल्याचे दिसून आले आहे.
यापुढील काळात हवामान बदलाचे प्रभाव वाढत जाण्याची शक्यता आहे. प्रशांत महासागराच्या विषुववृत्तीय भागात पाण्याच्या पृष्ठभागाचे तापमान पेरूजवळ १६ अंश सेल्सिअस आणि इक्वेडोरजवळ पाण्याच्या पृष्ठभागाचे तापमान २३ अंश सेल्सिअस, तर हिंदी महासागराच्या पाण्याच्या पृष्ठभागाचे तापमान ३० अंश सेल्सिअस इतके राहण्यामुळे यापुढे चांगल्या पावसाची शक्यता आहे.
कोकण
आज (ता.२७) सिंधुदुर्ग जिल्ह्यात ७३ मि.मी., रत्नागिरी जिल्ह्यात ६२ मि.मी., रायगड जिल्ह्यात ५७ मि.मी., पालघर जिल्ह्यात ३२ मि.मी. पावसाची शक्यता आहे. कोकणातील सर्वच जिल्ह्यांत वाऱ्याची दिशा नैॡत्येकडून राहील. वाऱ्याच्या ताशी वेगात वाढ होईल. सिंधुदुर्ग व पालघर जिल्ह्यांत वाऱ्याचा ताशी वेग २३ ते २५ कि.मी., रत्नागिरी व रायगड जिल्ह्यांत ताशी १९ ते २० कि.मी. आणि पालघर जिल्ह्यात ताशी २५ कि.मी. राहील.
कमाल तापमान सिंधुदुर्ग व रत्नागिरी जिल्ह्यांत २६ ते २७ अंश सेल्सिअस, रायगड आणि पालघर जिल्ह्यांत २९ अंश सेल्सिअस राहील, तर ठाणे जिल्ह्यात ३० अंश सेल्सिअस राहील. किमान तापमान रत्नागिरी, रायगड आणि ठाणे जिल्ह्यांत २३ ते २४ अंश सेल्सिअस, तर सिंधुदुर्ग व पालघर जिल्ह्यांत २५ ते २६ अंश सेल्सिअस राहील. सर्वच जिल्ह्यांत आकाश पूर्णतः ढगाळ राहील. सर्वच जिल्ह्यात सकाळची सापेक्ष आर्द्रता ८६ ते ९१ टक्के, तर दुपारची सापेक्ष आर्द्रता ८० ते ८३ टक्के राहील.
उत्तर महाराष्ट्र
आज (ता.२७) धुळे व नंदुरबार जिल्ह्यात ६ मि.मी., नाशिक व जळगाव जिल्ह्यांत १० ते १२ मि.मी. पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. वाऱ्याच्या ताशी वेगात वाढ होईल. वाऱ्याचा ताशी वेग जळगाव जिल्ह्यात ताशी २७ कि.मी., तर नाशिक, धुळे व नंदुरबार जिल्ह्यांत ताशी ३० ते ३४ कि.मी. राहील.
कमाल तापमान नाशिक जिल्ह्यात २६ अंश सेल्सिअस, तर धुळे, नंदुरबार व जळगाव जिल्ह्यांत २९ अंश सेल्सिअस राहील. किमान तापमान नाशिक जिल्ह्यात २३ अंश सेल्सिअस, तर धुळे व नंदुरबार जिल्ह्यांत २५ अंश सेल्सिअस आणि जळगाव जिल्ह्यात २६ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सर्वच जिल्ह्यांत सकाळची सापेक्ष आर्द्रता ८० ते ८७ टक्के, तर दुपारची सापेक्ष आर्द्रता ६० ते ७६ टक्के राहील.
मराठवाडा
आज (ता.२७) नांदेड व परभणी जिल्ह्यांत २३ ते २७ मि.मी., बीड जिल्ह्यात १८ मि.मी., हिंगोली जिल्ह्यात १५ मि.मी., तर धाराशिव, लातूर व जालना जिल्ह्यांत १४ मि.मी. पावसाची शक्यता आहे. छत्रपती संभाजीनगर जिल्ह्यात आज १२ मि.मी. पावसाची शक्यता आहे. मराठवाड्यातील सर्वच जिल्ह्यांत या आठवड्यात हलक्या ते मध्यम पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. या आठवड्यात वाऱ्याचा ताशी वेगात वाढ होईल. वाऱ्याचा ताशी वेग धाराशिव व बीड जिल्ह्यांत ताशी ३१ ते ३४ कि.मी., नांदेड व हिंगोली जिल्ह्यांत ताशी २४ ते २५ कि.मी., तर लातूर व परभणी जिल्ह्यांत ताशी २८ कि.मी. राहील.
जालना व छत्रपती संभाजीनगर जिल्ह्यांत वाऱ्याचा ताशी वेग २९ कि.मी. राहील. कमाल तापमान परभणी जिल्ह्यात ३० अंश सेल्सिअस, हिंगोली व जालना जिल्ह्यांत २९ अंश सेल्सिअस, तर छत्रपती संभाजीनगर आणि नांदेड जिल्ह्यांत २८ अंश सेल्सिअस राहील. धाराशिव व लातूर जिल्ह्यांत कमाल तापमान २५ ते २६ अंश सेल्सिअस राहील. किमान तापमान धाराशिव व लातूर जिल्ह्यांत २३ अंश सेल्सिअस, तर उर्वरित सर्वच जिल्ह्यात २४ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सर्वच जिल्ह्यात सकाळची सापेक्ष आर्द्रता ८३ ते ८७ टक्के, तर दुपारची सापेक्ष आर्द्रता ६० ते ७५ टक्के राहील.
पश्‍चिम विदर्भ
आज (ता.२७) वाशीम जिल्ह्यात ७ मि.मी., बुलडाणा जिल्ह्यात ११ मि.मी., अकोला जिल्ह्यात १४ मि.मी. आणि अमरावती जिल्ह्यात १६ मि.मी. पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. वाऱ्याच्या ताशी वेगात वाढ होईल. वाऱ्याचा ताशी वेग अमरावती व अकोला जिल्ह्यांत ताशी २२ ते २४ कि.मी., तर वाशीम व बुलडाणा जिल्ह्यांत ताशी २५ ते २६ कि.मी. राहील.
कमाल बुलडाणा व वाशीम जिल्ह्यांत २८ ते २९ अंश सेल्सिअस, तर अकोला व अमरावती जिल्ह्यांत ३० अंश सेल्सिअस राहील. किमान तापमान सर्वच जिल्ह्यांत २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८२ ते ८७ टक्के आणि दुपारची सापेक्ष आर्द्रता ६० ते ६८ टक्के राहील.
मध्य विदर्भ
आज (ता. २७) यवतमाळ जिल्ह्यात १५ मि.मी., तर वर्धा व नागपूर जिल्ह्यांत २४ मि.मी. पावसाची शक्यता आहे. वाऱ्याची दिशा नैॡत्येकडून राहील. वाऱ्याचा ताशी वेग नागपूर जिल्ह्यात २० कि.मी., तर यवतमाळ व वर्धा जिल्ह्यांत २३ ते २४ कि.मी. राहील.
कमाल तापमान नागपूर जिल्ह्यात २९ अंश सेल्सिअस, तर यवतमाळ व वर्धा जिल्ह्यांत ३० अंश सेल्सिअस राहील. किमान तापमान सर्वच जिल्ह्यांत २४ अंश सेल्सिअस राहील. आकाश अंशतः ढगाळ राहील. सर्वच जिल्ह्यांत सकाळची सापेक्ष आर्द्रता ८५ ते ८९ टक्के, तर दुपारची सापेक्ष आर्द्रता ६१ ते ७१ टक्के राहील.
पूर्व विदर्भ
आज (ता. २७) गोंदिया आणि भंडारा जिल्ह्यांत १२ ते १९ मि.मी., तर चंद्रपूर जिल्ह्यात २५ मि.मी. आणि गडचिरोली जिल्ह्यात ३७ मि.मी. पावसाची शक्यता आहे. सर्वच जिल्ह्यात वाऱ्याची दिशा नैॡत्येकडून राहील. वाऱ्याचा ताशी वेग गडचिरोली जिल्ह्यात ताशी १० कि.मी., गोंदिया जिल्ह्यात ताशी १४ कि.मी., तर भंडारा व चंद्रपूर जिल्ह्यांत ताशी १७ ते १८ कि.मी. राहील. कमाल तापमान गडचिरोली जिल्ह्यात २६ अंश सेल्सिअस, गोंदिया जिल्ह्यात २८ अंश सेल्सिअस, तर भंडारा व चंद्रपूर जिल्ह्यांत २९ अंश सेल्सिअस राहील.
किमान तापमान गडचिरोली जिल्ह्यात २३ अंश सेल्सिअस, तर गोंदिया जिल्ह्यात २४ अंश सेल्सिअस, तर भंडारा व चंद्रपूर जिल्ह्यात २५ अंश सेल्सिअस राहील. सर्वच जिल्ह्यात आकाश अंशतः ढगाळ राहील. सर्वच जिल्ह्यात सकाळची सापेक्ष आर्द्रता ९० ते ९६ टक्के राहील. दुपारची सापेक्ष आर्द्रता चंद्रपूर व भंडारा जिल्ह्यांत ७५ टक्के, तर गोंदिया व गडचिरोली जिल्ह्यांत ८२ ते ९० टक्के राहील.
पश्‍चिम महाराष्ट्र
आज (ता.२७) कोल्हापूर जिल्ह्यात ३५ मि.मी., पुणे जिल्ह्यात ४५ मि.मी., तर सातारा जिल्ह्यात २९ मि.मी. पावसाची शक्यता आहे. मात्र सांगली, सोलापूर व अहिल्यानगर जिल्ह्यांत १२ ते १५ मि.मी. पावसाची शक्यता आहे. सर्वच जिल्ह्यांत वाऱ्याची दिशा नैॡत्येकडून राहील. कोल्हापूर, सातारा व पुणे जिल्ह्यांत वाऱ्याचा ताशी वेग २१ ते २३ कि.मी. राहील. सांगली जिल्ह्यात वाऱ्याचा ताशी वेग २९ कि.मी., तर सोलापूर व अहिल्यानगर जिल्ह्यांत ताशी ३१ ते ३४ कि.मी. राहील.
कमाल तापमान अहिल्यानगर जिल्ह्यात २६ अंश सेल्सिअस, तर कोल्हापूर, सातारा व सोलापूर जिल्ह्यांत २७ अंश सेल्सिअस राहील. मात्र सांगली व पुणे जिल्ह्यांत कमाल तापमान २८ अंश सेल्सिअस राहील. किमान तापमान कोल्हापूर, सांगली, सातारा व पुणे जिल्ह्यांत २१ अंश सेल्सिअस, तर सोलापूर व अहिल्यानगर जिल्ह्यांत २३ ते २४ अंश सेल्सिअस राहील. सर्वच जिल्ह्यांत आकाश अंशतः ढगाळ राहील. सर्वच जिल्ह्यांत सकाळची सापेक्ष आर्द्रता ८३ ते ९० टक्के, तर दुपारची सापेक्ष आर्द्रता ७० ते ८० टक्के राहील.
कृषी सल्ला
आडसाली उसाची लागवड पूर्ण करावी. लागवडीसाठी रोपे किंवा ११ महिन्यांचे उसाचे बेणे वापरावे.
हळद पिकामध्ये पावसाचे पाणी साचून राहणार नाही याची काळजी घ्यावी.
फळबाग लागवडीसाठी काढलेल्या खड्ड्यात सरळ उभी रोपे लावून घ्यावीत. रोपांना काठीचा आधार द्यावा.
पावसाची शक्यता लक्षात घेता जनावरांना बंदिस्त गोठ्यामध्ये बांधावे.
खरीप पिकांमध्ये कोळपणी करून घ्यावी.
(ज्येष्ठ कृषी हवामान तज्ज्ञ, सदस्य, ॲग्रिकल्चर मेटरॉलॉजी फोरम फॉर साउथ आशिया)
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
