imd rainfall alert : राज्यात तुरळक ठिकाणी हलक्या ते मध्यम पावसाच्या सरी कोसळत असल्या, तरी बहुतांश भागांत पावसाची दडी कायम आहे. आज (ता. २६) कोकण, मध्य महाराष्ट्रात तुरळक ठिकाणी मध्यम पावसाची शक्यता आहे. तर उर्वरित राज्यात ढगाळ आकाश, मुख्यतः पावसाच्या उघडिपीसह तुरळक ठिकाणी हलक्या पावसाचा अंदाज हवामान विभागाने वर्तविला आहे.
मॉन्सूनचा आस असलेल्या कमी दाबाच्या पट्ट्याचे पश्‍चिम टोक हिमालयाच्या पायथ्याकडे आहे. पुढील आठवडाभर ते सर्वसाधारण स्थितीच्या उत्तरेकडे राहण्याची शक्यता आहे. तर पूर्व टोक गोरखपूर, पाटना, बंकुरा, दिघा ते पूर्व-मध्य बंगालच्या उपसागरापर्यंत कायम आहे. ईशान्य उत्तर प्रदेश परिसरावर समुद्रसपाटीपासून ३.१ ते ५.८ किलोमीटर उंचीवर चक्राकार वारे वाहत आहेत. उत्तर बांगलादेश आणि परिसरावर चक्राकार वारे वाहत आहे.
आज (ता. २६) कोकण, मध्य महाराष्ट्रात तुरळक ठिकाणी जोरदार पावसाची शक्यता आहे. उर्वरित राज्यात हवामान ढगाळ हवामानासह मुख्यतः पावसाची उघडीप राहून, तुरळक ठिकाणी हलक्या पावसाचा अंदाज आहे.
राज्यात ढगाळ हवामानासह ऊन-सावल्यांचा खेळ सुरू असून, प्रचंड उकाडा जाणवू लागला आहे. पावसाच्या दडीमुळे उन्हाचा चटका तापदायक ठरत आहे. राज्यात तुरळक ठिकाणी हलक्या ते मध्यम सरी पडत आहेत.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
