Maharashtra Rain Alert : शेतकऱ्यांची चिंता वाढवणारा पाऊस राज्यातील काही भागांना दिलासा देण्याची शक्यता आहे. हवामान विभागाने आत विदर्भ आणि कोकणतील काही भागांमध्ये जोरदार पावसाचा अंदाज आहे. तर राज्यात काही ठिकाणी हलक्या सरी पडतील, असाही अंदाज हवामान विभागाने दिला.
हवामान विभागाने आज राज्यातील पूर्व विदर्भ आणि कोकणातील काही जिल्ह्यांमध्ये पावसाचा अंदाज दिला. विदर्भातील यवतमाळ, वर्धा, नागपूर, चंद्रपूर, भंडारा आणि गोंदीया तसेच गडचिरोली जिल्ह्यातील काही ठिकाणी अति जोरदार ते जोरदार पावसाचा अंदाज दिला. या भागांमध्ये विजांसह पावसाची शक्यता आहे. तसेच विदर्भातील इतर भागांमध्ये काही ठिकाणी हलक्या पावसाची शक्यता आहे. पण विदर्भातील इतर भागांमध्ये पावसाची उघडीप राहण्याचा अंदाज आहे.
कोकणातही आज पावसाचा अंदाज आहे. कोकणातील सिंधुदुर्ग, रत्नागिरी आणि रायगड या जिल्ह्यांमधील काही ठिकाणी हवामान विभागाने जोरदार पावसाचा अंदाज दिला. या जिल्ह्यांमध्ये विजांसह पावसाचा येलो अलर्ट देण्यात आला. तसेच मध्य महाराष्ट्रातील कोल्हापूर जिल्ह्यात ठिकठिकाणी जोरदार पावसाचा येलो अलर्ट देण्यात आला.
राज्याच्या इतर भागात ठिकठिकाणी हलक्या सरी पडतील, असा अंदाज आहे. राज्यात आज सायंकाळपर्यंत ऊन सावल्यांचा खेळ सुरु होतो. पण जोरदार पाऊस पडला नाही. उद्याही राज्यातील काही ठिकाणी हलक्या सरी पडू शकतात. मध्य महाराष्ट्र आणि कोकणातील काही भागांमध्ये ढगांच्या गडगडाटासह पावसाची शक्यता आहे. पण सर्वदूर पावसाचा शक्यता नाही.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.