Monsoon 2025: खूशखबर; माॅन्सून चांगला बरसणार; महाराष्ट्रातही चांगला पाऊस

Pune News: २०२५ च्या माॅन्सून हंगामात सरासरीपेक्षा अधिक होण्याची शक्यता आहे. माॅन्सून काळात प्रशांत महासागरातील समुद्राच्या पृष्ठभागाचे तापमान सरासरी इतके म्हणजेच तटस्थ एल निनो स्थिती राहण्याचा अंदाज आहे. तसेच तटस्थ आयओडी असेल.  उत्तर गोलार्धात युरेशियामध्ये हीम आच्छादनाचे प्रमाण सरासरी पेक्षा कमी आहे. ही परिस्थिती देशातील माॅन्सूनसाठी पोषक आहे. त्यामुळे माॅन्सून हंगामातील सरासरीपेक्षा १०५ टक्के अधिक पावसाचा अंदाज आहे. माॅन्सून काळात देशात सरासरी ८७ मिलिमीटर पाऊस पडत असतो. 

भारतीय हवामान विभागाने आज (ता.१५) देशातील माॅन्सून हंगामातील म्हणजेच जून ते सप्टेंबर २०२५ या काळातील पावसाचा दीर्घकालीन अंदाज जाहीर केला.  प्रशांत महासागरातील समुद्राच्या पृष्ठभागाचे तापमान सरासरी इतके म्हणजेच तस्थ आहे. म्हणजे एल निनोही नाही आणि ला निनाही नाही.

प्रशांत महासागरातील समुद्राच्या पृष्ठभागाचे तापमान सरासरीपेक्षा जास्त असेल तर एल निनो परिस्थिती असते. प्रशांत महासागरातील समुद्राच्या पृष्ठभागाचे तापमान सरासरीपेक्षा कमी असेल तर ला निना. ला निना स्थिती भारताच्या माॅन्सूनसाठी पोषक मानली जाते. तर एल निनो स्थिती ही भारताच्या माॅन्सूनसाठी चांगली नसते. प्रशांत महासागरातील समुद्राच्या पृष्ठभागाचे तापमान सरीसरीएतके असेल तर तटस्थ मानली जाते. या परिस्थितीत 

डिसेंबर ते मार्च या तीन महिन्यांमध्ये उत्तर गोलार्धात युरेशियामध्ये हीम आच्छादनाचे प्रमाण सरासरी पेक्षा कमी आहे. येथील हीम आच्छादनाच्या प्रमाणाशी विपरित संबंध आहे. युरेशियामध्ये हीम आच्छादनाचे प्रमाण सरासरीपेक्षा कमी असेल तर माॅन्सूनसाठी चांगले असते. हीम आच्छादनाचे प्रमाण सरासरीपेक्षा जास्त असेल तर चांगले नसते. तसेच हीमालयासह आशियातील हीम आच्छादन कमी आहे. ही परिस्थिती माॅन्सूसाठी पोषक आहे. त्यामुळे माॅन्सून काळात म्हणजेच जून ते सप्टेंबर या काळात सरासरीपेक्षा जास्त पावसाचा अंदाज आहे.