Baramati News : ‘‘कमी खर्चात अधिक उत्पन्न देणारी शेती विकसित करण्यासाठी कृत्रीम बुद्धिमत्तेचा प्रभावी वापर करून घेणे, ही काळाची गरज आहे,’’ असे प्रतिपादन सकाळ माध्यम समूहाचे अध्यक्ष प्रतापराव पवार यांनी केले.
ॲग्रिकल्चर डेव्हलपमेंट ट्रस्ट संचलित कृषी विज्ञान केंद्राच्यावतीने आयोजित कृत्रीम बुद्धीमत्ता (ए.आय.) तंत्रज्ञानावर आधारित ऊस लागवड व नियोजन प्रशिक्षण कार्यक्रमात प्रतापराव पवार बोलत होते. ॲग्रिकल्चर डेव्हलपमेंट ट्रस्टचे प्रमुख राजेंद्र पवार, ऑक्सफर्ड विद्यापीठाच्या कृत्रीम बुद्धीमत्ता विभागाचे संचालक डॉ. अजित जावकर, माजी सनदी अधिकारी दिलीप बंड, वसंतदादा शुगर इन्स्टिट्यूटचे परेश पारेख, डॉ. अशोक कडलक, संस्थेचे मुख्य कार्यकारी अधिकारी नीलेश नलावडे आदी या प्रसंगी उपस्थित होते.
प्रतापराव पवार म्हणाले, ‘‘प्रायोगिक तत्त्वावर कृत्रीम बुद्धिमत्तेचा वापर उसाच्या पिकामध्ये सुरु केला असून, भविष्यात फळे व भाजीपाल्यामध्येही हा वापर करण्याचे उद्दिष्ट ठेवले आहे. शेतकऱ्यांच्या शेतात हे प्रयोग होतील, असा प्रयत्न आहे. शेतकऱ्यांनी ही माहिती इतर सहकारी शेतकऱ्यांना द्यावी.’’
नीलेश नलावडे प्रास्ताविकात म्हणाले, ‘‘या उपक्रमासाठी १६० शेतकऱ्यांनी आडसाली उसात कृत्रीम बुद्धिमत्तेचा वापर सुरु केला आहे. तीस टक्के खर्च कमी करून स्मार्ट सिंचन व शेती नियोजनासाठी प्रयत्न सुरु आहे.’’
मॅप माय क्रॉप कंपनीचे डॉ. भूषण गोसावी, ॲग्री पायलेट कंपनीचे निखिल मानेकर फसल कंपनीचे सौरव शर्मा यांनी त्यांच्या कंपनीमार्फत सुरू असलेले कृत्रिम बुद्धिमत्तेच्या प्रयोगाबाबत माहिती दिली. तेजस्विनी उपाध्ये यांनी कृषी कॅपचा ए.आय.मध्ये वापराबाबत माहिती दिली.तुषार जाधव यांनी सूत्रसंचालन केले. डॉ. योगेश फाटके यांनी आभार मानले.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.