वाशीममध्ये गोपीनाथ मुंडे अपघात विमा योजनेच्या धनादेशाचे वाटप

वाशीम : गोपीनाथ मुंडे शेतकरी अपघात विमा योजनेच्या (Gopinath Munde Farmer Accident Insurance Scheme) लाभार्थ्यांच्या वारसाला खासदार भावना गवळी (Bhawana Gawali) यांच्या हस्ते शुक्रवारी (ता.२३) जिल्हाधिकारी कार्यालयातील वाकाटक सभागृहात प्रत्येकी दोन लाख रुपयांचा धनादेश वाटप करण्यात आले. मालेगाव तालुक्यातील सुकंडा येथील प्रियांका खिल्लारे व मंगरूळपीर तालुक्यातील कंझारा येथील प्रभाकर वावगे यांना धनादेश वितरित करण्यात आले.

सन २०२२-२३ या वर्षात कृषी यांत्रिकीकरण उपअभियानांतर्गत मळणी यंत्राच्या अनुदानाचे वाटप वाशीम तालुक्यातील काशिराम कवर, काजळंबा येथील राजाराम सोनटक्के यांना पेरणीयंत्र अनुदानाचे वाटप, राज्य पुरस्कृत कृषी यांत्रिकीकरण योजनेअंतर्गत जुमडा येथील शेतकरी गजानन शिंदे यांना ट्रॅक्टर अनुदानाचे वाटप, राष्ट्रीय कृषी विकास योजना कृषी यांत्रिकीकरण योजनेअंतर्गत केकतउमरा येथील शेतकरी परसराम हरिमकर यांना मिनी दालमिल अनुदानाचे वाटप केले.

याशिवाय राष्ट्रीय अन्न सुरक्षा अभियान कडधान्य योजनेअंतर्गत सावळी येथील लाभार्थी पंचशिला इंगोले यांना पेरणी यंत्राच्या अनुदानाचे वाटप आणि राष्ट्रीय पुरस्कृत कृषी यांत्रिकीकरण योजनेअंतर्गत काटा येथील शेतकरी शंकर निंबलकर यांना रोटाव्हेटर अनुदानाचे वाटप करण्यात झाले.

यावेळी जिल्हाधिकारी षण्मुगराजन एस., जिल्हा परिषद मुख्य कार्यकारी अधिकारी वसुमना पंत, सहायक जिल्हाधिकारी श्रीमती मिन्नु पी. एम., जिल्हा अधिक्षक कृषी अधिकारी शंकर तोटावार यांची प्रमुख उपस्थिती होती.