परभणी ः नानाजी देशमुख कृषी संजीवनी प्रकल्प (पोकरा) अंतर्गत (POCRA Project) वैयक्तीक लाभाच्या घटकांची कामे पूर्ण केलेल्या परभणी जिल्ह्यातील २७ हजार ३०२ शेतकऱ्यांच्या खात्यावर थेट लाभ हस्तांतरण प्रणालीव्दारे (DBT) शी माहिती उपविभागीय अधिकरी आर. बी. हरणे यांनी दिली.
पोकरा अंतर्गतच्या तीन टप्प्यात परभणी जिल्ह्यातील २७५ गावांची निवड झालेली आहे. या गावांतील ६० हजार ४५४ शेतकऱ्यांनी नोंदणी केली आहे. वैयक्तिक लाभाच्या घटका अंतर्गत १ लाख ७१ हजार ७२५ अर्ज केले आहेत. फळबागा लागवड केलेल्या १ हजार ९७१ शेतकऱ्यांना ८ कोटी ३३ लाख रुपये अनुदान देण्यात आले. ठिबक सिंचन संच खरेदी केलेल्या २ हजार ८३५ शेतकऱ्यांना १९ कोटी ४ लाख रुपये, तुषार संच खरेदी केलेल्या १४ हजार ३०३ शेतकऱ्यांना २५ कोटी ८२ लाख २८ हजार १५० रुपये अनुदान अदा केले आहे.
विहीरी खोदलेल्या १२० शेतकऱ्यांना १ कोटी ९६ लाख रुपये, पाणी उपसा पंप खरेदीबद्दल ७९४ शेतकऱ्यांना १ कोटी ६ लाख रुपये, पाइप खरेदीबद्दल १ हजार ५७६ शेतकऱ्यांना ३ कोटी ९ लाख ७७ हजार ४६५ रुपये अनुदान देण्यात आले. सामुहिक शेततळ्यांच्या ८६ कामे पूर्ण केलेल्या लाभार्थींना ३ कोटी रुपये तर वैयक्तीक शेततळ्यांचे ५४ शेतकऱ्यांना ६ कोटी ३९ लाख ४ हजार ४ रुपये अनुदान दिले आहे. बीजोत्पादन बद्दल ४ हजार ३०७ शेतकऱ्यांना ४ कोटी रुपये, शेडनेटगृह उभारलेल्या ७४ शेतकऱ्यांना ७ कोटी रुपये, पॉलिहाऊस, शेडनेट साहित्यासाठी २० शेतकऱ्यांना १७ लाख ७१ हजार ८८ रुपये, रेशीम शेतीसाठी २१ शेतकऱ्यांना १३ लाख २२ हजार ७५६ रुपये अनुदान अदा केले आहे. कृषी यांत्रिकीकरण साठी ५२४ शेतकऱ्यांना ३ कोटी ६५ लाख ४९ हजार रुपये, बीबीएफ तंत्रज्ञान प्रसारासाठी ३५ शेतकऱ्यांना ४९ हजार ६६० रुपये अदा केले.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
