८.५३ लाख शेतकऱ्यांचा डाटा दुरुस्तीच्या प्रतीक्षेत

राज्यात प्रधानमंत्री किसान सन्मान निधी योजनेमध्ये (PMKisan) ८.५३ लाख शेतकऱ्यांचा डाटा दुरुस्तीच्या (Correction) प्रतीक्षेत असून यामुळे या शेतकऱ्यांना या योजनेच्या लाभापासून वंचित राहावे लागत आहे. या प्रकारामुळे केंद्र शासनाने तीव्र नाराजी व्यक्त केलीय. 

केंद्र शासनाने प्रधानमंत्री किसान सन्मान निधी योजनेअंतर्गत (PMKisan) शेतकऱ्यांच्या बँक खात्यात सहा हजार रुपये जमा करण्याचा निर्णय घेतलाय. सन २०१९ पासून राबविण्यात येणाऱ्या  या योजनेमध्ये राज्यात १ कोटी १४ लाख ९३ हजार शेतकऱ्यांनी नोंदणी केलीय.  मात्र, त्यापैकी १ कोटी ९ लाख ३३ हजार पात्र  शेतकऱ्यांना योजनेचा लाभ मिळत आहे. योजनेमध्ये पात्र शेतकऱ्यांच्या खात्यांवर १८,१२० कोटी रुपयांची मदत जमा करण्यात आलीय. 

हेही वाचा- मिलिंग करत बसणं हा राज्याचा उद्योग नाही 

दरम्यान राज्यामध्ये अद्यापही ८ लाख ५३ हजार शेतकरी डाटा दुरुस्तीच्या (Correction) प्रतीक्षेत आहेत. त्यामुळे या शेतकऱ्यांना प्रधानमंत्री किसान सन्मान निधी योजनेचा  (PMKisan) लाभ मिळालाच नाही.

विशेष म्हणजे या शेतकऱ्यांची डाटा दुरुस्ती  (Correction) करून घेण्याबाबत केंद्र शासनाकडून वारंवार सूचना देण्यात आल्यानंतर ही सदरील काम रखडली आहेत. 

व्हिडीओ पहा- 

त्यानंतर राज्य शासनाने (State Government) तसेच राज्याच्या कृषी आयुक्त (Agriculture Commissioner)  कार्यालयाने राज्यातील सर्व जिल्हाधिकारी (District Collector) कार्यालयांना पत्र पाठवले आहे. राज्यातील शेतकऱ्यांच्या डाटा दुरूस्तीसाठी (Correction) गाव पातळीवर विशेष शिबिराचे आयोजन करण्याच्या सूचना या पत्राद्वारे दिल्या आहे.

डाटा दुरुस्तीसाठी २५ मार्चला शिबिर

आयुक्त कार्यालयाच्या या पत्रानुसार राज्यात मार्च महिन्याच्या चौथ्या शुक्रवारी म्हणजेच २५ मार्च रोजी गाव पातळीवर डाटा दुरुस्तीचे (Correction) काम करण्यासाठी शिबिर आयोजित केले जाणार आहे. सदरील काम संपूर्ण शेतकऱ्यांचा डाटा दुरुस्ती होईपर्यंत सुरू ठेवावे, असेही या पत्राद्वारे स्पष्ट करण्यात आले आहे.