Pune News : टोमॅटोचा बाजार मागील काही आठवड्यांपासून कमी झाला आहे. बाजारातील आवक वाढल्यानंतर भाव पडले. सध्या बाजारात टोमॅटोला ५०० ते ९०० रुपयांच्या दरम्यान भाव मिळत आहे. भाव पडल्याने उत्पादन खर्चही भरून निघत नाही. त्यामुळे शेतकऱ्यांचे अर्थकारण कोलमडले आहे.
देशातील बाजारात नोव्हेंबरपर्यंत टोमॅटोला चांगला भाव मिळत होता. पण नोव्हेंबरच्या शेवटच्या आठवड्यापासून बाजारात घसरण व्हायला सुरुवात झाली. दरातील ही घसरण थांबायचे नाव घेईना. त्याचे महत्वाचे कारण म्हणजे बाजारातील आवक वाढली होती. नोव्हेंबरच्या आधीपर्यंत बाजारात आवक कमी होती. तर उठाव चांगला होता. त्यामुळे बाजारात चांगला भाव मिळत होता. टोमॅटोचा बाजार ४ हजार ते ५ हजार रुपयांच्या दरम्यान होता.
विशेष म्हणजे टोमॅटो लागवडीसाठी पुरेशा प्रमाणात पाणी उपलब्ध होते. तसेच लागवडीच्या काळात भावही चांगले होते. त्यामुळे शेतकऱ्यांनी लागवडी वाढवल्या होत्या. राज्यातच नव्हे तर देशातील महत्वाच्या टोमॅटो उत्पादक भागांमध्ये लागवडी यंदा वाढल्याचे व्यापारी आणि शेतकरी सांगत आहेत. लागवडी वाढल्यानंतरही पिकाचे पावसाने अनेक भागात नुकसान झाले. मात्र तरीही उत्पादनात वाढ झाली.
सध्या राज्यातील नाशिक, नारायणगाव या महत्वाच्या बाजारांमध्ये आवक चांगली सुरु आहे. शिवाय महत्वाच्या मोठ्या शहरांमध्ये पुरवाठा वाढला. त्यामुळे टोमॅटोचा भाव कमी झाला. किरकोळ बाजारात टोमॅटो सध्या ३० ते ४० रुपये किलो मिळत आहे. हाच भाव अडीच महिन्याआधी ५० ते ६० रुपये किलो हाता. बाजारात पुरवठा वाढला मात्र मागणी कायम आहे. त्यामुळे सध्या टोमॅटोचे भाव कमी होण्याला वाढलेला पुरवठा हे महत्वाचे कारण असल्याचे व्यापारी सांगत आहेत.
उत्पादन खर्चही निघेना
बाजारात टोमॅटोचे भाव पडल्याने शेतकरी चांगलेच अडचणीत आले आहेत. टोमॅटोचा उत्पादन खर्च क्विंटलमागे १५०० रुपयांपर्यंत असल्याचे काही शेतकऱ्यांनी सांगितले. तर बाजारात सध्या केवळ ५०० ते ९०० रुपयांच्या दरम्यान भाव मिळत आहे. सध्याचा भाव उत्पादन खर्चापेक्षा कमी आहे. त्यामुळे शेतकरी सध्या चांगलेच अडचणीत आले आहेत.
आवकेचा परिणाम
बाजारातील शेतकरी आणि व्यापाऱ्यांनी सांगितले की, टोमॅटोची आवक वाढल्याचा परिणाम दरावर दिसून येत आहे. लागवडी वाढल्याने आवकही वाढली आहे. बाजारातील टोमॅटोची आवक मार्चपर्यंत चांगली राहू शकते, असे काही शेतकऱ्यांनी सांगितले. तर बाजारातील व्यापारीही आवकेबाबत पुढील दोन महिने सकारात्मक दिसत आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.