Soybean Market परभणी ः परभणी बाजार समितीमधील (Parbhani APMC) सोयाबीनच्या दरात (Soybean Rate) थोडी सुधारणा झाली आहे. सरासरी दर पाच हजारांवर पोहोचले आहेत. परंतु अनेक शेतकऱ्यांना सहा हजार रुपये दराची अपेक्षा आहे. त्यामुळे त्यांनी सोयाबीन अद्याप साठवून ठेवले आहे.
परभणी बाजार समितीत सोमवार (ता. २७) ते शनिवार (ता. ३१) या आठवड्यात सोयाबीनची एकूण ८०७ क्विंटल आवक होऊन प्रतिक्विंटल सरासरी ५०७५ ते ५१०० रुपये दर मिळाले. शुक्रवारी (ता. ३१) ११० क्विंटल आवक झाली. त्यास प्रतिक्विंटल किमान ५०५० ते कमाल ५१५० रुपये तर सरासरी ५१०० रुपये दर मिळाले.
गुरुवारी (ता. ३०) ११० क्विंटल आवक होऊन प्रतिक्विंटल किमान ५०५० ते कमाल ५१००, तर सरासरी ५०८० रुपये दर मिळाले. बुधवारी (ता. २९) १०० क्विंटल आवक होऊन किमान ५०५० ते कमाल ५१२५, तर सरासरी ५१०० रुपये दर मिळाले.
मंगळवारी (ता. २८) सोयाबीनची ४३७ क्विंटल आवक होऊन किमान ५०५० ते कमाल ५१००, तर सरासरी ५०८० रुपये दर मिळाले. सोमवारी (ता. २७) ५० क्विंटलची आवक झाली. दर किमान ५०५० ते कमाल ५१००, तर सरासरी ५०७५ रुपये मिळाले.
या आधीच्या आठवड्यात सोयाबीनचे दर प्रतिक्विंटल ४८०० ते ५००० रुपये होते. सोया ऑइल मिलमधील सोयाबीन खरेदीचे दर प्रतिक्विंटल ५३५० ते ५३७५ रुपये होते. त्यामुळे बाजार समितीतील सोयाबीनचे सरासरी दर पाच हजार रुपयांवर पोहोचले आहेत.
दरवाढीच्या प्रतीक्षेत असलेल्या परभणी जिल्ह्यातील ३० ते ३५ टक्के शेतकऱ्यांकडे अजून सोयाबीन शिल्लक असल्याचा अंदाज आहे. गतवर्षी एप्रिलमध्ये ७८०० रुपयांपर्यंत दर पोहोचले होते. परंतु त्या वेळी अनेक शेतकऱ्यांनी सोयाबीनची विक्री केली नाही. त्यानंतर दर कमी दर झाले. त्यामुळे अनेक शेतकऱ्यांकडे गतवर्षीचे सोयाबीन देखील शिल्लक आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
