Market Bulletin: सोयाबीन स्थिरदेशातील बाजारात आठवड्याच्या शेवटी म्हणजेच शनिवारी सोयाबीनचे दर स्थिरावले होते. प्रक्रिया प्लांट्सचे सोयाबीन खेरदीचे भाव ४ हजार ७५० ते ४ हजार ८५० रुपये या दरम्यान होते. बाजारातील सोयाबीनची आवक आजही कमीच होती. तर दुसरीकडे सरकारची हमीभावाने खरेदीही सुरु आहे. बाजारात सध्या सोयाबीन सरासरी ४ हजार ते ४ हजार ५०० रुपयाने विकली जात आहे. सोयाबीनला बाजारात गुणवत्ता आणि ओलाव्यानुसार दर मिळत आहे. सोयाबीन बाजारातील ही स्थिती कायम राहील, असा अंदाज सोयाबीन बाजारातील अभ्यासकांनी व्यक्त केला. .हरभऱ्याची आवक कमीचदेशातील बाजारात हरभरा दर दबावातच आहेत. हमीभावापेक्षा हरभरा ६०० ते ८०० रुपये कमी भावात विकला जात आहे. देशातील उत्पादन कमी राहील्याने यंदा हरभऱ्याचा पुरवठाही कमी आहे. मात्र आयातीचा दबाव आहे. सध्या हरभरा बाजारात ५ हजार ते ५ हजार २०० रुपयाने विकला जात आहे. तर बाजारातील आवकही कमी आहे. असे असले तरी आयातीचा दबाव बाजारावर राहील, असा अंदाज हरभरा बाजारातील अभ्यासकांनी व्यक्त केला..Spice Seed Production: अकोल्यात १५० एकरांवर मसालेवर्गीय पिकांचे बीजोत्पादन.मक्याचे दर दबावातचमक्याच्या बाजारावरील दबाव कायम आहे. मागील ३ वर्षे मक्याला चांगला दर मिळाला. देशात इथेनाॅल, पोल्ट्री आणि स्टार्च उद्योगासाठी मक्याला मागणी होती. मक्याची मागणी वाढल्याने दरही वाढले होते. हमीभावापेक्षा दर अधिक होते त्यामुळे देशात मक्याची लागवड वाढून उत्पादन वाढले आहे. मात्र आता इथेनाॅलसाठी तांदूळ आणि मोलॅसिस उपलब्ध आहे. याचा दबाव दरावर आला आहे. सध्या मक्याला बाजारात सरासरी १७०० ते २१०० रुपये दर मिळत आहे. मक्यावरील दबाव पुढील काळातही कायम राहू शकतो, असा अंदाज मका बाजारातील अभ्यासकांनी व्यक्त केला. .Soybean Price: बियाणे दर्जाच्या सोयाबीनच्या चढ्या दराचे गौडबंगाल .तुरीला दर कमीच तुरीचे दर हमीभावापेक्षा कमीच आहेत. तुरीला बाजारात हमीभावापेक्षा एक हजार ते १५०० रुपये कमी दर मिळत आहे. तुरीची बाजारातील आवक कमी आहे. मात्र आयातीमुळे दरावर दबाव आहे. सध्या बाजारात तुरीला सरासरी ६ हजार ५०० ते ७ हजार रुपये दर मिळत आहे. यंदाही देशातील तुरीची लागवड कमी झाली आहे. उत्पादनही कमी होण्याची शक्यता आहे. परंतु आयातीचा दबाव कायम राहणार आहे. परिणामी तुरीच्या दरात पुढील काही दिवस मोठे बदल होण्याची शक्यता नाही, असा अंदाज तूर बाजारातील अभ्यासकांनी व्यक्त केला. .संत्र्याची आवक मर्यादीत राज्यातील संत्रा उत्पादन यंदा घटले आहे. संत्रा पिकाला यंदा पावसाचा जोरदार तडाखा बसला. त्यामुळे गुणवत्ताही कमी झाली आहे. सध्या बाजारात गुणवत्तापूर्ण मालाची आवक कमी असल्याचे व्यापारी सांगत आहेत. या मालाला सध्या सरासरी ६ हजार ते ७ हजार रुपये प्रतिक्विंटलचा भाव मिळत आहे. तर कमी दर्जाचा माल २ हजार ते ४ हजारांच्या दरम्यान विकला जात आहे. यंदा उत्पादनाला फटका बसल्याने पुरवठा कमी राहील, असे शेतकरी सांगत आहेत. परिणामी बाजारातील सत्र्याची आवक पुढील काळातही स्थिर राहू शकते. त्यामुळे संत्र्याचे दरही टिकून राहू शकतात, असा अंदाज संत्रा बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
