Agrowon Podcast : सोयाबीन काहीसे नरमले; कापूस, सोयाबीन, टोमॅटो तसेच हळद दर काय आहेत?

Market Update : आज आपण सोयाबीन, कापूस, हळद, टोमॅटो आणि डाळिंब पिकाच्या बाजाराची माहिती घेणार आहोत.
Agriculture Market
Agriculture MarketAgrowon

Market Bulletin : कापूस बाजारभाव गेल्या दोन महिन्यांपासून दबावातच आहे. कापसाचे वायदे आंतरराष्ट्रीय बाजारात ७१.१७ सेंट प्रतिपाऊंडच्या दरम्यान होते. वायदे सतत ७० ते ७३ सेंटच्या आसपास दिसून येत आहेत. देशातील बाजारातही वायदे ५६ हजार रुपये प्रतिखंडीवर होते. कापूस बाजारातील आवकही जून महिन्यात कमी झाली. पण तरीही कापसाचा भाव ७ हजार १०० ते ७ हजार ५०० रुपयांच्या दरम्यान राहीला. कापूस बाजारातील ही स्थिती आणखी काही दिवस राहू शकते, असा अंदाज आहे. 

सोयाबीनची बाजारातील आवक कमी झाली आहे. मात्र तरीही खाद्यतेल आयात आणि आंतरराष्ट्रीय बाजारातील भावाचा दबाव कायम आहे. अनेक शेतकऱ्यांनी आजही सोयाबीनचा स्टाॅक मागे ठेवला आहे. शेतकऱ्यांना सोयाबीनसाठी ५ हजारांपेक्षा अधिकच्या भावाची अपेक्षा आहे. पण देशातील बाजारात सोयाबीन ४ हजार १०० ते ४ हजार ५०० रुपयांच्या दरम्यान होते. ही स्थिती आणखी काही दिवस राहू शकते, असा अंदाज आहे. आंतरराष्ट्रीय बाजारात सोयाबीनचे वायदे ११.८५ डाॅलर प्रतिबुशेल्सवर होते. तर सोयापेंडचे वायदे ३६८ डाॅलर प्रतिबुशेल्सवर होते. सोयाबीन बाजारातील ही स्थिती आणखी काही दिवस राहू शकते, असा अंदाज सोयाबीन बाजारातील अभ्यासकांनी व्यक्त केला. 

Agriculture Market
Banana Export : आखाती देशात सहाशे टन केळीची निर्यात

टोमॅटोला सध्या चांगला भाव मिळत आहे. बाजारातील घटलेली आवक आणि चांगल्या उठामुळे टोमॅटो सध्या भाव खात आहे. पाऊस आणि वाढत्या उष्णतेचा पिकाला फटका बसला. त्यातच यंदा कमी पावसामुळे लागवडीही कमी होत्या. यामुळे आवक कमी दिसत आहे. परिणामी टोमॅटोच्या भावात काहीशी सुधारणा दिसून आली. टोमॅटोचा बाजार सरासरी २ हजार ३०० ते २ हजार ८०० रुपयांच्या दरम्यान आहे. यापुढच्या काळात आवक आणखी कमी होण्याची शक्यता आहे, असे व्यापारी सांगत आहेत. 

Agriculture Market
Agrowon Podcast : हरभऱ्यातील तेजी टिकून; कापूस, सोयाबीन, तूर, तसेच हरभरा दर काय आहेत?

डाळिंबाचे बाजारभाव मागील काही आठवड्यांपासून स्थिर दिसत आहेत. मागणीच्या तुलनेत पुरवठा कमी असल्याने भाव तेजीत आहेत. डाळींब पिकाला यंदा दुष्काळी परिस्थिती आणि पाणीटंचाईचा मोठ्या प्रमाणात फटका बसल्याचे शेतकरी सांगत आहेत. डाळिंबाचा उचांकी भाव काही ठिकाणी १५ हजार ते काही ठिकाणी २५ हजार रुपये दिसत आहे. पण डाळिंबाला सध्या सरासरी ८ हजार ते १० हजार रुपयांचा सरासरी भाव मिळत आहे. ही भावपातळी आणखी काही दिवस दिसू शकते, असा अंदाज व्यापारी व्यक्त करत आहेत.

हळदीचे भाव देशातील बाजारांमध्ये टिकून आहेत. हळद बाजारातील तेजी हंगामाच्या आधीपासूनच आहे. यंदा उत्पादन घटले पण हळदीला चांगली मागणी आहे. सध्या हळदीला सरासरी १४ हजार ते १८ हजार रुपयांच्या दरम्यान भाव मिळत आहे. यापुढेही हळदीला चांगली मागणी राहील. पण लागवडीचे चित्र स्पष्ट झाल्यानंतर दरात काहीसे करेक्शन येऊ शकते. त्यानंतर सणांची मागणी वाढल्यानंतर दराला पुन्हा आधार मिळू शकतो, असा अंदाज हळद बाजारातील अभ्यासकांनी व्यक्त केला. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com