Market Bulletin: सोयाबीनमध्ये सुधारणाशुक्रवारी सोयाबीनच्या भावात मोठी घट पाहायला मिळाली होती. सोयाबीनचा भाव शुक्रवारी अनेक बाजारांमध्ये ३०० ते ४०० रुपयांनी कमी झाला होता. आफ्रिकेतून झालेली आयात, जीएम सोयापेंड आयातीची चर्चा आणि वाढलेल्या भावामुळे थांबलेली निर्यात यामुळे भाव कमी झाले होते. पण आज सोयाबीनच्या भावात काहीशी सुधारणा दिसून आली. प्रक्रिया प्लांट्सनी खरेदीचा भाव ६ हजार ७०० ते ७ हजार रुपयांच्या दरम्यान काढला होता. बाजारात सोयाबीन ६ हजार ५०० ते ६ हजार ७०० रुपयांच्या दरम्यान पोचला होता. बाजारातील आवक कमी आहे. पण चर्चांमुळे भाव कमी झाले होते. सरकारची भुमिका स्पष्ट होईपर्यंत बाजार या दरम्यान स्थिरावू शकतो, असा अंदाज अभ्यासकांनी व्यक्त केला आहे. .कापूस स्थिरावलाकापसाच्या भावातही काहीसे चढ उतार सुरु आहेत. कापसाला सध्या उठाव चांगला आहे. पण पाॅलिस्टरचे भाव कमी जास्त होत असल्याचा परिणाम कापसाच्याही भावावर दिसून येत आहे. कापसाला सध्या बाजारात प्रतिक्विंटल सरासरी ८ हजार ४०० ते ८ हजार ७०० रुपयांच्या दरम्यान भाव मिळत आहे. कापूस आयातीचीही चर्चा सुरु आहे. आंतरराष्ट्रीय बाजारात कापसाच्या भावात काहीसे चढ उतार सुरु आहेत. कापसाची आवक पुढील काळातही बाजारात कमीच राहणार आहे. सीसीआयची विक्रही चांगली सुरु आहे. त्यामुळे बाजारात पुढील काळातही काहीसे चढ उतार राहू शकतात, असा अंदाज कापूस बाजारातील अभ्यासकांनी व्यक्त केला आहे. .Banana Export Price: निर्यातीच्या केळीला २३०० रुपये दर.गव्हाचा भाव स्थिरबाजारातील गव्हाची आवक मागील काही दिवसांपासून कमी झाली आहे. सरकारची गहू खरेदीही यंदा वाढलेली आहे. याचा आधार गव्हाच्या भावाला मिळत आहे. बाजारात सध्या गव्हाला गुणवत्तेप्रमाणे प्रतिक्विंटल सरासरी २ हजार ३०० ते २ हजार ६०० रुपयांच्या दरम्यान भाव मिळत आहे. बाजारात पुढील काळात गव्हाची आवक कमी होण्याची शक्यता आहे. तर रब्बी हंगामात गहू पिकाला पाणीटंचाई भासण्याची शक्यता आहे. यामुळे गव्हाचा भाव पुढील काही दिवस या पातळीच्या दरम्यान स्थिरावू शकतो, असा अंदाज गहू बाजारातील अभ्यासकांनी व्यक्त केला आहे. .Poultry Production Reduction: पोल्ट्री उत्पादनात २५ टक्के कपातीचा निर्णय.हरभरा भावात सुधारणा देशातील बाजारात बाजारात हरभरा भावात मागील काही दिवसांपासून सुधारणा दिसून आली आहे. बाजारातील हरभरा आवकही कमी झाली आहे. युध्दामुळे आयातीवरही परिणाम होत आहे. याचा आधार हरभऱ्याच्या भावाला मिळत आहे. सध्या बाजारात हरभरा प्रतिक्विंटल सरासरी ५ हजार ३०० ते ५ हजार ८०० रुपयांच्या दरम्यान विकला जात आहे. पुढील काळात बाजारतील हरभरा आवक आणखी कमी होण्याची शक्यता आहे. याचा आधारही हरभरा भावाला मिळेल. यामुळे दर टिकून राहण्यास मदत होईल, असा अंदाज हरभरा बाजारातील अभ्यासकांनी व्यक्त केला आहे. .तुरीची आवक कमीचदेशातील बाजारात तुरीचा भाव मागील काही दिवसांपासून हमीभावाच्या आसपास पोचला आहे. पण दरपातळी या दरम्यान स्थिरावलेली दिसत आहे. तूर उत्पादक पट्ट्यातील बाजारांमध्ये आजही तुरीची आवक चांगली दिसत आहे. तर तुरीचा भाव यामुळे दबावात दिसत आहे. सध्या तूर बाजारात ७ हजार ५०० ते ८ हजारांच्या दरम्यान विकली जात आहे. तुरीची बाजारातील आवक पुढील काही दिवसांमध्ये कमी होण्याचा अंदाज आहे. तर यंदा एल निनोच्या पार्श्वभुमीवर तुरीची लागवडही कमी होण्याची शक्यता आहे. त्यामुळे तुरीच्या भावात सुधारणा अपेक्षित आहे, असा अंदाज तूर बाजारातील अभ्यासकांनी व्यक्त केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
