Market Bulletin: सोयाबीन टिकूनदेशातील बाजारात सोयाबीनच्या दरात झालेली सुधारणा टिकून आहे. कमाल दरात काहीसे चढ उतार दिसून आले. मात्र सरासरी दरपातळी कायम आहे. सोयाबीनची बाजारातील आवक कमीच आहे. तर उठाव चांगला आहे. सध्या बाजारात सोयाबीन सरासरी ५ हजार २०० ते ५ हजार ५०० रुपयांच्या दरम्यान आहेत. तर प्रक्रिया प्लांट्सचे खरेदी भाव ५ हजार ८०० ते ५ हजार ९५० रुपयांच्या दरम्यान होते. बाजारातील सोयाबीनची आवक टिकून आहे. पुढील काळातही सोयाबीनच्या दरातील सुधारणा कायम राहू शकते, असा अंदाज सोयाबीन बाजारातील अभ्यासकांनी व्यक्त केला आहे. .कापूस स्थिरसीसीआयने कापूस विक्रीचे दर कायम ठेवले आहेत. त्यामुळे कापसाचा बाजारभावही स्थिरावला आहे. कापसाची बाजारातील आवक कमीच आहे. तर कापसाला उठाव आहे. पण सीसीआयच्या विक्रीनुसार बाजारात बदल दिसत आहे. आजही कापसाचा भाव ८ हजार ते ८ हजार ३०० रुपयांच्या दरम्यान होते. तर सरकी ४ हजार ते ४ हजार २०० रुपयांच्या दरम्यान विकली जात आहे. सुतालाही चांगला उठाव आहे. यामुळे कापूस भावाला चांगला आधार आहे. पुढील काळातही कापसाचे भाव टिकून राहू शकतात, असा अंदाज कापूस बाजारातील अभ्यासकांनी व्यक्त केला आहे. .Agrowon Podcast: सोयाबीनमध्ये वाढ, कापूस स्थिरावला, तुरीच्या भावात तेजी , सरकीचे भाव टिकून, हळद टिकून.आल्याला उठावराज्यातील बाजारात आल्याची आवक सरासरीएवढी होत आहे. तर आल्याला उठावही चांगला आहे. याचा परिणाम आल्याच्या भावावर दिसून येत आहे. आले उत्पादनाला यंदा फटका बसल्याचे शेतकरी सांगत आहेत. याचा आधार भावाला मिळत आहे. सध्या आले प्रतिक्विंटल सरासरी ४ हजार ते ५ हजारांच्या दरम्यान विकले जात आहे. आल्याची बाजारातील आवक पुढील काही आठवडे स्थिर राहण्याची शक्यता आहे. आल्याला उठाव मात्र पुढील काळात वाढण्याचा अंदाज आहे. यामुळे आल्याच्या भावालाही चांगला आधार राहील, असा अंदाज अभ्यासकांनी व्यक्त केला आहे. .Ethanol Blending: इथेनॉलमुळे १९ अब्ज डॉलर्स परकीय चलनाची बचत.गव्हाचे भाव स्थिरावलेदेशातील बाजारात गव्हाचे दर टिकून आहेत. लग्नसराईचा गहू बाजाराला आधार आहे. सरकारची गहू बाजारावर पकड कायम आहे. यामुळे दर मर्यादीत पातळीवर सुधारले आहेत, असे व्यापारी सांगत आहेत. सध्या गहू बाजारात प्रतिक्विंटल सरासरी २ हजार ६०० ते २ हजार ९०० रुपयांच्या दरम्यान विकला जात आहे. तर किरकोळ बाजारात ३ हजार ८०० ते ४ हजार ४०० रुपयांपर्यंत भाव आहेत. यंदा देशात गव्हाची लागवड वाढत आहे. तसेच पिकासाठी पोषक हवामानही आहे. दुसरीकडे सरकार दरावर लक्ष ठेऊन आहे. यामुळे दर एका मर्यादेतच सुधारू शकतात, असा अंदाज गहू बाजारातील अभ्यासकांनी व्यक्त केला आहे..ज्वारीला उठाव कायमदेशातील बाजारात ज्वारीची आवक स्थिरावली आहे. तर ज्वारीला चांगली मागणी आहे. यंदा ज्वारीच्या उत्पादनात वाढ झाल्याचे सरकारी अंदाजातून स्पष्ट होते. यामुळे सध्या आवक स्थिरावली असली तरी पुरवठा चांगला आहे. याचा परिणाम दरावर दिसून येत आहे. सध्या ज्वारी बाजारात गुणवत्तेप्रमाणे सरासरी २ हजार ६०० ते ३ हजार २०० रुपयांच्या दरम्यान विकली जात आहे. ज्वारीची बाजारातील आवक पुढील काही आठवडे टिकून राहण्याची शक्यता आहे. तसेच बाजारातही कोरकोळ चढ उतार वगळता मोठ्या घडामोडी घडण्याची शक्यता कमीच असल्याचे ज्वारी बाजारातील जाणकारांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
