लसूण, टोमॅटो, घेवडा, मटारच्या दरात वाढ

पुणे : गुलटेकडी येथील पुणे कृषी उत्पन्न बाजार समितीमध्ये (Pune Agricultural Produce Market Committee at Gultekdi) रविवारी (ता. १७) भाजीपाल्याची सुमारे ८० ट्रक आवक झाली होती. वाढत्या उन्हाळ्यामुळे भाजीपाल्याचे उत्पादन घटल्याने आवकेतदेखील घट झाली आहे. परिणामी, लसूण, टोमॅटो, घेवडा, मटारच्या भावात (Prices of garlic, tomato, ghewda, peas) गेल्या आठवड्याच्या तुलनेत दहा ते वीस टक्क्यांपर्यंत वाढ झाली होती. तर मागणी आणि पुरवठा संतुलित राहिल्याने इतर बहतांश सर्वच फळभाज्यांचे भाव स्थिर होते.

भाजीपाल्यांच्या आवकेमध्ये परराज्यांतून कर्नाटक, आंध्र प्रदेश, गुजरात येथून हिरवी मिरची (Green Chili) सुमारे १० टेम्पो, आंध्र प्रदेश, तमिळनाडू येथून शेवगा ३ टेम्पो, राजस्थानमधून २ ट्रक तर मध्य प्रदेश येथून ३ टेम्पो गाजर, कर्नाटक येथून घेवडा २ ट्रक, हिमाचल प्रदेश येथून २ ट्रक मटार, आंध्र प्रदेश, कर्नाटक येथून तोतापुरी कैरी ५ ट्रक, गुजरातमधून गवार २ टेम्पो, मध्य प्रदेश, गुजरात येथून लसूण १० ट्रक आवक झाली.

स्थानिक आवकेमध्ये सातारी आले सुमारे ९०० पोती, भेंडी ५ टेम्पो, टॉमेटोची सुमारे ८ हजार क्रेट्स, हिरवी मिरची आणि कोबी प्रत्येकी ५ टेम्पो, फ्लॅावर १०, तांबडा भोपळा आणि सिमला मिरची सुमारे १० टेम्पो, ओतुर, पारनेर परिसरातून मटार १०० गोणी, कांदा २५ ट्रक, तर आग्रा, इंदूर, स्थानिक भागातून बटाटा ३० ट्रक आवक झाली होती.

फळभाज्यांचे दहा किलोचे भाव (रुपयांमध्ये) :
कांदा : ७०-११०, बटाटा : १३०-१७०, लसूण :१००-४००, आले सातारी : १००-२२०, भेंडी : १५०-२५०, गवार : गावरान व सुरती २००-३५०, टोमॅटो : १००-१८०, दोडका : १५०-२५०, हिरवी मिरची : ४५०-५५०, दुधी भोपळा : १००-२००, चवळी : २००-२५०, काकडी : १००-१६०, कारली : हिरवी २००-२५०, पांढरी : १८०-२००, पापडी : ३००-३५०, पडवळ : २००-२५०, फ्लॉवर : ६०-८०, कोबी : ६०-८०, वांगी : १५०-२५०, डिंगरी : १५०-२००, नवलकोल : ६०-८०, ढोबळी मिरची :३००-४००, तोंडली : कळी ३५०-४००, जाड : १८०-२००, शेवगा : १४०-१६०, गाजर : १८०-२२०, वालवर : ३००-३५०, बीट : ६०-८०, घेवडा : ९००-१०००, कोहळा : १००-१५०, आर्वी : २००-२५०, घोसावळे : १५०-२००, ढेमसे : २००-२२०, भुईमूग शेंग : ५००-५५०, मटार : ७५०-८००, पावटा : ६००-६५०, तांबडा भोपळा : ६०-१००, कैरी (तोतापुरी) : १८०-२००, चिंच : अखंड : ३५०, फोडलेली : ६००, सुरण :१८०-२००, मका कणीस : ५०-१००, नारळ (शेकडा) : १०००-१६००

पालेभाज्यांमध्ये कोथिंबिरीची आवक १ लाख ५० हजार जुडी तर मेथीची ४० हजार जुडीची आवक झाली होती.
पालेभाज्यांचे शेकड्यातील भाव (रुपयांमध्ये) : कोथिंबीर : ८००-१२००, मेथी : ८००-१०००, शेपू : ६००-८००, कांदापात : ५००-८००, चाकवत : ५००-६००, करडई : ४००-५००, पुदिना : २००-५००, अंबाडी : ५००-६००, मुळे : ८००-१०००, राजगिरा : ४००-५००, चुका : ५००-७००, चवळई : ४००-५००, पालक : ६००-९००.

फळबाजार
फळबाजारात रविवारी (ता. १७) लिंबाची सुमारे १ हजार गोणी, डाळिंब सुमारे ३० टन, मोसंबी ४० टन, संत्रा १० टन, पपई १० टेम्पो, चिकू २ हजार गोणी, कलिंगड आणि खरबूज प्रत्येकी ३० टेम्पो, द्राक्षे ३० टन, कर्नाटक आंबा सुमारे २ हजार पेट्या, तर कोकण हापूसची सुमारे अडीच हजार पेट्यांची आवक झाली होती.

फळांचे भाव पुढीलप्रमाणे : लिंबे (Lemon) (प्रति गोणी) : १०००-२५००, मोसंबी : (३ डझन) : २५०-४००, (४ डझन) : ६०-२६०, संत्रा : (१० किलो) : ८००-१६००, डाळिंब (प्रति किलोस) : भगवा : ५०-२००, गणेश : १०-४०, आरक्ता १५-६०. कलिंगड : १०-१४, खरबूज : १८-२२, पपई : १२-१८, चिकू (१० किलो) १००-५००, द्राक्षे (१५ किलो) : सोनाका : ५००-७००, रत्नागिरी हापूस ४ ते ६ डझन : ३०००-६०००, तयार आंबा - ३३००-६३००, कर्नाटक हापूस २ डझन - ११००-१६००, लालबाग - (१ किलो) ६०-१००, बदाम - ६०-८०.

फुलबाजार (Flower market)
आवक साधरण, मागणी व दर स्थिर
फुलांचे प्रतिकिलोचे दर पुढीलप्रमाणे : झेंडू : ३०-८०, गुलछडी : २००-३००, ॲस्टर (५ जुड्या) ः ४०-६०, सुटा १५०-२००, कापरी : ६०-१२०, शेवंती : २००-३००, (गड्डीचे भाव) गुलाब गड्डी : २०-४०, गुलछडी काडी : ६०-१५०, डच गुलाब (२० नग) : १००-२००, जरबेरा : ६०-८०, कार्नेशियन : १५०-२००, शेवंती काडी १५०-२००, लिलीयम (१० काड्या) १२००-१५००, ऑर्चिड ३००-५००, ग्लडिओ (१० काड्या) : ६०-१२०.

आवक कमी झाल्याने मासळीचे दर वधारले
मटण-मासळी (Meat-fish)
गणेश पेठेतील मासळी बाजारात रविवारी (ता. १७) खोल समुद्रातील मासळीची सुमारे ८ टन, खाडीची १५० किलो, तर नदीच्या मासळीची ५०० किलो आवक झाली. आंध्र प्रदेश येथून रहू, कतला आणि सिलनची सुमारे १५ टन आवक झाली झाली होती. दरम्यान रामनवमी आणि हनुमान जयंतीनंतर मासळीच्या मागणीत वाढ झाली आहे. त्या तुलनेत आवक कमी असल्याने मासळीचे भाव पाच ते दहा टक्क्यांनी वधारले आहेत. चिकन, मटण, अंडीचे भाव गत आठवड्याच्या तुलनेत स्थिर आहेत.

खोल समुद्रातील मासळी (प्रतिकिलोचे दर) : पापलेट : कापरी : १६००-१८००, मोठे : १४००-१५००, मध्यम : १०००-१२००, लहान : ९००, भिला : ७५०-८००, हलवा : ६००-६५०, सुरमई : ६००-८००, रावस : ५५०-९००, घोळ : ६००-६५०, करली : २४०-३२०, करंदी : ४००-४४०, भिंग : ३२०-३६०, पाला : ८००-१४००, वाम : ४००-८००, ओले बोंबील : २००-२८०.

कोळंबी : लहान २००-३६०, मोठी : ४००-६००, जंबो प्रॉन्स : १५००-१६००, किंग प्रॉन्स : ८००-८५०, लॉबस्टर : १६००-१८००, मोरी : १८०-४००, मांदेली : १२०-२००, राणीमासा : २००-२४०, खेकडे : २८०-४००, चिंबोऱ्या : ४८०-६००.

खाडीची मासळी : सौंदाळे : २००-३२०, खापी : २८०-३६० नगली : २५०-४४०, तांबोशी : ३६०-४८०, पालू : २८०-३२०, लेपा : १४०-२८०, बांगडा : लहान : १४०-१६०, मोठा : १८०-२२०, शेवटे : १८०-२४०, पेडवी : १००-१२०, बेळुंजी : १६०-१८०, तिसऱ्या : २००-२८०, खुबे : १००-१२०, तारली : १६०-१८०.

नदीतील मासळी : रहू : १६०-१८०, कतला : १६०-२००, मरळ : ४००-४८०, शिवडा : २००-२४०, खवली : २००-२४०, आम्ळी : १००-१६०, खेकडे : २००-२४०, वाम : ४८०-५५०.

मटण : बोकडाचे ७००, बोलाईचे ७००, खिमा ७००, कलेजी ७४०.

चिकन २४०, लेगपीस २९०, जिवंत कोंबडी १८०, बोनलेस ३४०.

अंडी : गावरान (शेकडा) ८००, डझन १०८, प्रतिनग ९. इंग्लिश (शेकडा) ४५०, डझन ६०, प्रतिनग ५.