Market Bulletin: सोयाबीनमध्ये काहीशी सुधारणादेशातील बाजारात मागील काही दिवसांपासून सोयाबीनच्या दरात चढ उतार सुरु आहेत. सोमवार आणि मंगळवारी दरात काहीशी नरमाई आल्यानंतर आज मात्र दरात पुन्हा काहीशी सुधारणा पाहायला मिळाली. कालपासून सोयाबीन प्रक्रिया प्लांट्सचे खरेदीचे भाव क्विंटलमागे १०० ते १५० रुपयाने सुधारले होते. तर बाजार समित्यांमध्येही सरासरी दरात हा फरक पाहायला मिळाला. बाजारात सोयाबीनला सरासरी प्रतिक्विंटल ४ हजार ते ४ हजार ३०० रुपये दर मिळाला. तर बियाणे दर्जाचे सोयाबीन चांगलाच भाव खात आहे. सोयाबीनच्या दराला चांगला आधार असल्याचे अभ्यासकांनी सांगितले. .उडीद दबावातचदेशातील बाजारात उडदाचे भाव दबावातच आहेत. उडदाला बाजारात सध्या हमीभावही मिळत आहे. सध्याचा भाव हमीभावापेक्षा १५०० ते २ हजाराने कमी आहे. केंद्राने यंदा उडदाला प्रतिक्विंटल ७ हजार ८०० रुपये हमीभाव जाहीर केला. मात्र सध्या बाजारात उडीद ५५०० ते ६ हजाराने विकला जात आहे. हमीभावाने उडीद खरेदीला मान्यता देण्यात आली. मात्र खरेदीला अद्यापही वेग आलेला नाही. तसेच आयातीमुळे दरावर दबाव आला आहे. उडीद बाजारातील ही स्थिती कायम राहू शकते, असा अंदाज उडीद बाजारातील अभ्यासकांनी व्यक्त केला..Edible Oil: खाद्यतेल झाले स्वस्त .कांदा दर स्थिरकांद्याचा भाव राज्यातील बाजारांमध्ये मागील दोन दिवसांमध्ये काहीसा स्थिरवल्याचे दिसत आहे. कमाल आणि किमान दरात काहीसे चढ उतार असले तरी सरासरी दरात फारसा बदल नाही. मागील दोन आठवड्यांमध्ये कांद्याच्या कमाल दरात काहीशी सुधारणा झाली. कांद्याचा कमाल भाव १६०० ते २ हजारांवर पोचला. मात्र किमान भाव अगदी ३०० रुपयांपासून सुरु होत आहे. तर सरासरी दरपातळी १२०० ते १५०० रुपयांच्या दरम्यान आहे. सध्या बाजारात खरिपातील कांद्याची आवक होत आहे. मात्र, आवकेचा दबाव आणखी वाढला नाही. कांद्याच्या भावातील चढ उतार आणखी काही दिवस दिसू शकतात, असा अंदाज कांदा बाजारातील अभ्यासकांनी व्यक्त केला..Agrowon Podcast: मक्याचे भाव दबावाखाली, तूर आणि सोयाबीन स्थिर; हळदीचे दर टिकून, शेवग्याला उठाव कायम.काकडीला उठावराज्यातील बाजारात काकडीची आवक मर्यादीत आहे. तर दुसरीकडे काकडीला चांगला उठाव आहे. यामुळे काकडीचे दर काहीसे सुधारले आहेत. सध्या गुणवत्तेच्या काकडीला सरासरी ३ हजार ते ३ हजार ५०० रुपयांचा दर मिळत आहे. तर सरासरी दरपातळी २२०० ते २६०० रुपयांच्या दरम्यान आहे. राज्यातील बहुतांशी बाजारात काकडीची आवक कमीच आहे. मुंबई, पुणे, नाशिक, अहिल्यानगर, नागपूर जिल्ह्यात काकडीची आवक काहीशी अधिक आहे. पण इतर बाजारांमधील आवक कमी आणि उठाव चांगला अशी परिस्थिती आहे. काकडीचे दर आणखी काही दिवस टिकून राहू शकतात, असा अंदाज भाजीपाला बाजारातील जाणकारांनी व्यक्त केला..हरभरा दर कमीच देशातील बाजारात हरभऱ्याची आवक कमीच आहे. तर दुसरीकडे हरभऱ्याला उठाव आहे. मात्र तरीही हरभरा दर दबावातच आहेत. हरभऱ्याला हमीभावापेक्षाही कमी दर मिळत आहे. केंद्र सरकारने यंदाच्या हंगामात हरभऱ्याला प्रतिक्विंटल ५८७५ रुपये हमीभाव जाहीर केला. तर बाजारात सध्या हरभरा ४ हजार ९०० ते ५ हजार २०० रुपयाने विकला जात आहे. आयात मोठ्या प्रमाणात होत असल्याने दर दबावात आहेत. हरभरा आयात आणि वाटाणा आयातीमुळे हरभरा दरावरील दबाव कायम राहील, असा अंदाज हरभरा बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
