Market Bulletin: सोयाबीन दरात उसळीदेशातील बाजारात सोयाबीन दरातील सुधारणेचा कल टिकून आहे. राज्यातील प्रमुख बाजारात सोयाबीन आवक कमीच आहे. तर उठाव मात्र चांगला आहे. त्यामुळे काही बाजारात सोयाबीन दराने उसळी घेतली आहे. प्रक्रिया प्लांट्सनी सोयाबीन खरेदीच्या दरात आज १०० ते २०० रुपयांनी वाढ केली आहे. त्यामुळे बाजार समित्यांमध्येही सोयाबीन दराने ६ हजारांचा ३०० टप्पा गाठला आहे. प्रक्रिया प्लांट्सनी खरेदीचे भाव सरासरी ६ हजार ४०० ते ६ हजार ७०० रुपयांच्या दरम्यान आहेत. तर बाजार समित्यांमध्ये सरासरी ५ हजार ८०० ते ६ हजार ३०० रुपयांच्या दरम्यान सोयाबीनला दर मिळत आहे. सोयापेंड मागणी वाढल्याएन प्रक्रिया उद्योगाने खरेदी वाढवली आहे. तर सोयातेलाच्या दरात सुधारणा झाल्याने सोयाबीन बाजारात दराने उसळी घेतली आहे. पुढील काही काळातही सोयाबीनला मागणीचा आधार मिळून दरातील सुधारणा टिकून राहील, असा अंदाज सोयाबीन बाजारातील अभ्यासकांनी व्यक्त केला आहे..कापसाला मागणीचा आधारदेशातील कापड उद्योगांकडून गुणवत्ता पूर्ण कापसाची मागणी कायम आहे. तर जागतिक बाजारात कापसाची मागणी टिकून असल्याने दराला आधार देत आहे. मागील काही आठवड्यामध्ये चीन, बांगलादेश आणि व्हिएतनामसारख्या देशांकडून भारतीय सुती धाग्याच्या मागणीत मोठी वाढ झाली आहे. तर सीसीआयचा कापूस विक्रीचा भाव विक्रमी पातळीवर पोहचला आहे. तर बाजारात कापसाची आवक कमीच आहे. बाजारात कापसाला गुणवत्तेनुसार सरासरी ८ हजार २०० ते ८ हजार ८०० रुपयांचा दर मिळत आहे. यंदा देशातील कापसाचे उत्पादन कमी असल्याने बाजारावर परिणाम दिसून येत आहे. त्यामुळे कापसाच्या भावात पुढील काही दिवस सुधारणा टिकून राहील, असा अंदाज कापूस बाजारातील अभ्यासक आणि जाणकार व्यक्त करत आहेत..Konkan Fish Price: मासळीच्या दरात वाढ.कांदा दरात सुधारणाराज्यातील कांदा उत्पादक शेतकरी अडचणीत आले आहेत. परंतु मागील आठवड्याच्या तुलनेत प्रमुख बाजारात कांद्याचे दर १०० ते १५० रुपयांनी सुधारले आहेत. कांद्याची आवक जास्त असून उठाव मात्र अद्यापही कमीच आहे. पश्चिम आशियातील तणावामुळे निर्यात रोडावली आहे. त्याचा फटका शेतकऱ्यांना बसत आहे. प्रमुख बाजारात कांद्याला सरासरी प्रति क्विंटल ६०० ते ९०० रुपयांच्या दरम्यान भाव मिळत आहे. तर काही बाजारात चांगल्या प्रतिच्या कांद्याचे दर ९०० ते १ हजार रुपयांच्या दरम्यान पोहचले आहेत. परंतु त्याचे प्रमाण कमी आहे. राज्यातील कांदा उत्पादक शेतकऱ्यांना अवकाळी पावसाचा मोठा तडाखा सहन करावा लागला. त्यात आता उष्णतेच्या लाटांचा परिणाम कांदा पिकावर होऊ लागला आहे. त्यामुळे शेतकरी कांदा विक्रीसाठी घाई करत असल्याने बाजारात आवक वाढू लागली आहे. पुढील काळात आवक कायम राहण्याची शक्यता असून कांदा दरात चढ-उतार दिसू शकतात, असा अंदाज व्यापारी आणि जाणकारांनी व्यक्त केला आहे..Soybean Price: विदर्भात सोयाबीन दरात उसळी.टोमॅटो आवक स्थिरराज्यातील बाजारात टोमॅटोची आवक स्थिर झाली आहे. तर काही भागात टोमॅटोचा तोडा सुरु आहे.सध्या बाजारात आवक स्थिर असून उठाव चांगला आहे. त्यामुळे टोमॅटा दराला आधारही मिळत आहे. सध्या बाजारात चांगल्या गुणवत्तेचा टोमॅटो सरासरी प्रति क्विंटल १ हजार ते १ हजार ४०० रुपये दराने विकला जात आहे. टोमॅटो पिकाला फेब्रुवारी आणि मार्च महिन्यात अवकाळी पावसाचा फटका बसला. तर उष्णतेच्या झळांमुळे टोमॅटोच्या गुणवत्तेवर परिणाम झाल्याने शेतकऱ्यांना आर्थिक नुकसान सहन करावे लागत आहे. बाजारात टोमॅटोची आवक पुढील काळात स्थिर राहील, त्यामुळे दर टिकून राहतील, असा अंदाज बाजारातील अभ्यासकांनी वर्तवला आहे.जांभळाचे दर दबावातराज्यातील बाजारात जांभळाची आवक सुरु झाली आहे. परंतु आवकेचे प्रमाण कमी आहे. प्रमुख बाजारात आवक २० क्विंटलपेक्षा कमी आहे. बाजारात उठावही कमीच आहे. त्यामुळे दरावर दबाव दिसत आहे. आवकेच्या सुरुवातीला ३५० रुपये किलोपर्यंत जांभळाचे दर पोहचले होते. परंतु उठाव कमी असल्याने दरावर दबाव आला आहे. सध्या राज्यातील प्रमुख बाजारात जांभळाला सरासरी प्रति क्विंटल २५ हजार रुपयांचा दर मिळत आहे. यंदा हवामानातील बदलामुळे जांभूळ उत्पादकांना फटका बसला. मोहराला फळधारणा कमीच झाली. त्यामुळे जांभूळ उत्पादक अडचणीत आले आहे. पुढील काळात जांभळाची आवक कमीच राहण्याचा अंदाज आहे. परंतु मागणीचा आधार मिळून जांभळाच्या दरात काहीशी सुधारणा दिसून येईल, असा अंदाज जाणकारांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
