Sugar MSP Hike : साखरेच्या ‘एमएसपी’ वाढीची नववर्षात भेट

Sugar Industry : साखरेच्या किमान विक्री दरात (एमएसपी) वाढ करण्याबाबत लवकरच निर्णय होण्याची शक्यता आहे. दोन महिन्यांपूर्वी हा विषय मंत्रिमंडळाच्या बैठकीत येऊन सुद्धा साखरेचे उत्पादन कमी होण्याच्या भीतीमुळे केंद्राने एमएसपी वाढीबाबत निर्णय घेण्याचे टाळले होते.
Sugar Industry
Sugar IndustryAgrowon
Published on
Updated on

Kolhapur News : साखरेच्या किमान विक्री दरात (एमएसपी) वाढ करण्याबाबत लवकरच निर्णय होण्याची शक्यता आहे. दोन महिन्यांपूर्वी हा विषय मंत्रिमंडळाच्या बैठकीत येऊन सुद्धा साखरेचे उत्पादन कमी होण्याच्या भीतीमुळे केंद्राने एमएसपी वाढीबाबत निर्णय घेण्याचे टाळले होते.

केंद्रीय अन्न आणि सार्वजनिक वितरण मंत्री प्रल्हाद जोशी यांनी नवी दिल्ली येथे नुकतेच एमएसपी वाढीच्या निर्णयाबाबत केंद्र हालचाली करत असल्याचे सांगितले आहे. लवकरच याबाबतचा निर्णय आम्ही घेऊ असे त्यांनी सांगितले.

Sugar Industry
India Sugar Production : डिसेंबरअखेर देशाचे साखर उत्पादन ९५ लाख टनांवर

साखर उद्योगातील प्रमुख संस्थांशी चर्चा करून याबाबत लवकरच योग्य तो निर्णय घेणार असल्याचे श्री. जोशी यांनी स्पष्ट केल्याने आता साखर उद्योगात एमएसपी वाढीबाबत सकारात्मक वातावरण तयार झाले आहे. २०१९ पासून साखरेची एमएसपी ३१०० रुपयांवर स्थिर आहे. २०१९ नंतर प्रत्येक वर्षी शेतकऱ्यांना देण्यात येणाऱ्या एफआरपीमध्ये वाढ होत गेली पण साखरेच्या एमएसपीत काहीच वाढ न झाल्याने साखर उद्योगात चिंतेचे वातावरण आहे.

गेल्या दोन वर्षांमध्ये देशातील साखर उद्योगातील प्रमुख संस्था, प्रमुख राजकीय नेत्यांनी केंद्राकडे सातत्याने याविषयी मागणी केली. पण केंद्राने साखर उद्योगाचे म्हणणे फारसे गांभीर्याने न घेता एमएसपीत वाढ केली नाही. याबरोबरच एमएसपीत वाढ का होत नाही याबाबत स्पष्ट माहितीही साखर उद्योगाला मिळाली नाही. यामुळे उद्योगात एमएसपी वाढीविषयी मोठी संभ्रमावस्था निर्माण झाली.

Sugar Industry
Sugar Industry : गाळप सुरू, उसाचा दर मात्र कळेना

श्री. जोशी यांनी दिल्लीमध्ये पत्रकारांशी बोलताना याबाबत स्पष्ट विधान केल्याने साखर उद्योगाला आता एमएसपीबाबतची आशा लागून राहिली आहे. श्री. जोशी यांनी एमएसपी वाढेलच असे न म्हणता वाढवायची की नाही याबाबत ठोस निर्णय घेऊ असे सांगितले आहे.

किरकोळ बाजारातील किमतीही लक्षात घेणार

साखरेच्या घाऊक किमती क्विंटलला ३१०० रुपये असल्या तरी किरकोळ बाजारात मात्र ४० रुपये किलोच्या बाहेर साखरेच्या किमती आहेत. एमएसपीमध्ये वाढ झाल्यास सहाजिकच किरकोळ विक्रीतही वाढ होणार आहे. ग्राहकांना ही वाढ कितपत पचनी पडेल याचा अंदाज घेऊनच एमएसपी वाढीचा निर्णय होऊ शकतो असे केंद्रीय सूत्रांनी स्पष्ट केले.

उद्योगाची मागणी ४१०० रुपये

साखर उद्योगाने सध्याचा साखर उत्पादनाचा खर्च पाहता साखरेची एमएसपी ४१०० रुपयांच्या वर असावी असे म्हटले आहे. या मागणीवर केंद्र सरकार आता काय निर्णय घेते याबाबतची उत्सुकता लागली आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com