Jalgaon News: खानदेशात केळी दर मागील २० ते २२ दिवसांपासून स्थिर आहेत. केळीची आवक मागील सात ते आठ दिवसांत आणखी घटली आहे. कमाल दर २६०० व किमान १४०० रुपये प्रतिक्विंटल, असे आहेत.
केळीला उठाव आहे. उत्तरेकडील मॉल्स व अन्य बाजारांत केळीची मागणी आहे. दर्जेदार केळीस अधिकची मागणी आहे. परंतु आवक कमी आहे. कारण मागील हंगामात मृग बहरात जून व जुलै महिन्यात अनेकांनी केळी लागवड कुकुंबर मोझॅक विषाणूच्या (सीएमव्ही) भीतीने टाळली होती.
परिणामी, मे महिन्यात केळीची आवक सतत घटली. केळीची आवक मध्य प्रदेशातील बऱ्हाणपूरच्या बाजारातही सध्या ९० ते १०० ट्रक (एक ट्रक १० ते १६ टन क्षमता) एवढी आहे. तर खानदेशात सध्या प्रतिदिन १८० ते १९० ट्रक (एक ट्रक १६ टन क्षमता) केळीची आवक होत आहे. ही आवक या आठवड्यात आठ ते १० ट्रकने घटली आहे.
धुळ्यातील शिरपूर, नंदुरबारातील शहादा व जळगावमधील चोपडा, यावल, जळगाव भागातील केळीला पाऊस व वादळाचा फटका बसला आहे. यामुळेदेखील केळी आवक घटली आहे. पुढे केळी आवकेत आणखी घट होईल. कारण अनेक बागांमधील काढणी ७० ते ८० टक्के पूर्ण झाली आहे.
‘सीएमव्ही’चा फॅक्टर
कुकुंबर मोझॅक विषाणूची (सीएमव्ही) समस्या दर वर्षी जून व जुलै महिन्यांत लागवडीच्या केळी बागांत येत असल्याने मागील हंगामात अनेकांनी या महिन्यात केळी लागवड टाळली. परिणामी मे महिन्यात केळी आवक घटली. यामुळे केळी दर स्थिर आहेत. मागील हंगामात केळीची आवक मे महिन्यात प्रतिदिन २८० ट्रकपर्यंत होती. परंतु यंदा ही आवक कमी आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.