Cotton Market : मानवतमध्ये कापसाला ६२०० ते ७३१० रुपयांचा दर

Parbhani News : जिल्ह्यातील मानवत बाजार समितीमध्ये शनिवारी (ता. २) कापसाची ९०० क्विंटल आवक होती. कापसाला प्रतिक्विंटल किमान ६२०० ते कमाल ७३१० रुपये तर सरासरी ७२७५ रुपये दर मिळाले.

जिल्ह्यात गेल्या आठड्यात मान्सुनोत्तर पावसामुळे बोंडातून फुटलेला कापूस भिजला. त्यामुळे वेचणी शक्य झाली नाही. परिणामी बाजार समित्यांतील कापसाची आवक कमी राहिली. कमाल दरामध्ये १५० ते २०० रुपयांनी घसरण झाली.

मानवत बाजार समितीत गेल्या आठवड्यात कापसाची प्रतिदिन ९०० ते १६०० क्विंटल आवक झाली. मंगळवारी (ता. २८) ते शनिवारी (ता. २) या कालावधीत एकूण ५९१० क्विंटल आवक झाली. प्रतिक्विंटल सरासरी ६२०० ते ७२७५० रुपये दर मिळाले. शुक्रवारी (ता. १) कापसाची ९८५ क्विंटल आवक असताना प्रतिक्विंटल किमान ७०५० ते कमाल ७२६० रुपये तर सरासरी ७२०० रुपये दर मिळाले.

गुरुवारी (ता. ३०) ९७५ क्विंटल आवक होऊन प्रतिक्विंटल किमान ७११० ते कमाल ७२९० रुपये तर सरासरी ७२५० रुपये दर मिळाले. बुधवारी (ता. २९) १४५० क्विंटल आवक होऊन प्रतिक्विंटल किमान ७१०० ते कमाल ७२८० रुपये तर सरासरी ७२२५ रुपये दर मिळाले. मंगळवारी (ता. २८) १६०० क्विंटल आवक होऊन प्रतिक्विंटल किमान ७१०० ते कमाल ७२६० रुपये तर सरासरी ७२१० रुपये दर मिळाले.

परभणी बाजार समितीत गुरुवारी (ता. ३०) कापसाची ५५५ क्विंटल आवक होऊन प्रतिक्विंटल किमान ७३०५ ते कमाल ७३४५ रुपये तर सरासरी ७३३० रुपये दर मिळाले. बुधवारी (ता. २९) कापसाची ४१० क्विंटल आवक होऊन प्रतिक्विंटल किमान ७२०५ ते कमाल ७२३० रुपये तर सरासरी ७२२० रुपये दर मिळाले.

सेलू बाजार समितीत शनिवारी (ता. २) कापसाला प्रतिक्विंटल सरासरी ७१०५ रुपये दर मिळाले. शुक्रवारी (ता. १) कापसाला प्रतिक्विंटल सरासरी ७१०० रुपये दर मिळाले. गुरुवारी (ता. ३०) कापसाला प्रतिक्विंटल किमान ७००० ते कमाल ७१९० तर सरासरी ७१८० रुपये दर मिळाले. बुधवारी (ता. २९) कापसाला प्रतिक्विंटल किमान ७१४५ ते कमाल ७२११ तर सरासरी ७१७५ रुपये दर मिळाले.