Jaggery Rate : गूळ सौद्यात प्रति क्विंटल ३३०० ते ५१०० रुपये दर

कोल्हापूर : कृषी उत्पन्न बाजार समितीत (Kolhapur APMC) पाडव्यानिमित्त काढण्यात आलेल्या गूळ सौद्यात (Jaggery Deal) गुळास ३३०० ते ५१०० रुपये प्रति क्विंटल दर (Jaggery Rate) मिळाला. बाजार समितीतील वडणगे विकास सेवा संस्था मर्या. वडणगे या अडत दुकानात सौदे काढण्यात आले.

बाजार समितीच्या प्रशासक मंडळाचे अध्यक्ष प्रकाश जगताप यांच्या हस्ते गुळाचे सौदे काढण्यात आले. पाडव्याच्या दिवशी १९ हजार २८० गूळ रव्याची आवक झाली. यंदा उसाची उपलब्धता चांगली होणार असल्याने गुळाची आवकही वाढण्याची शक्यता आहे.

बाजार समितीतील सर्वच घटकांनी यंदाचा हंगाम सुरळीतपणे पार पडण्यासाठी प्रयत्न करावेत, असे आवाहन श्री. जगताप यांनी केले. प्रशासक मंडळाचे सदस्य बाजीराव जाधव, समितीचे सचिव जयवंत पाटील, उपसचिव राहुल सूर्यवंशी, के. बी. पाटील आदींसह गूळ उत्पादक व बाजार समितीचे पदाधिकारी उपस्थित होते.

गूळ प्रकार दर प्रति क्विंटल

स्पेशल ४५०० ते ५१००

१) ४२०० ते ४४९०

२) ३९५० ते ४१९०

३) ३६०० ते ३९४०

४) ३२०० ते ३५९०