थंडीच्या प्रमाणात वाढ शक्य

किमान तापमानात घट होत असल्याने हवेचे दाब वाढत आहेत. किमान तापमानातील घसरण यापुढे कायम राहील. पश्‍चिम विदर्भात ती प्रकर्षाने जाणवेल. थंडीचे प्रमाण वाढण्यास गुरुवार (ता.१६)पासून सुरुवात होईल. या आठवड्यात महाराष्ट्राच्या उत्तरेकडे १०१४ हेप्टापास्कल, तर दक्षिणेकडे १०१२ हेप्टापास्कल इतका अधिक हवेचा दाब राहील. किमान तापमानात घट होत असल्याने हवेचे दाब वाढत आहेत. किमान तापमानातील घसरण यापुढे कायम राहील. पश्‍चिम विदर्भात ती प्रकर्षाने जाणवेल. थंडीचे प्रमाण वाढण्यास गुरुवार (ता.१६)पासून सुरुवात होईल. कोकण, मराठवाडा व पश्‍चिम महाराष्ट्रात हवामान अंशतः ढगाळ राहील. वाऱ्याचा ताशी वेग साधारणच राहील. उत्तर महाराष्ट्र, मराठवाडा व विदर्भात दुपारची सापेक्ष आर्द्रता कमी राहील. त्यामुळे हवामान कोरडे राहील. सिंधुदुर्ग, रत्नागिरी, ठाणे, उस्मानाबाद, लातूर, बीड, गडचिरोली, कोल्हापूर, सांगली, सातारा, सोलापूर व नगर जिल्ह्यांत तुरळक ठिकाणी आज आणि उद्या अल्पशा पावसाची शक्‍यता आहे. उत्तर व मध्य भारत तसेच ईशान्य भारतावर हवेचे दाब वाढत आहेत. त्यामुळे किमान तापमानात घसरण होत आहे. वाऱ्याची दिशा ईशान्येकडून राहण्यामुळे थंडीचे प्रमाण वाढण्यास अनुकूल हवामान आहे. कोकण  आज आणि उद्या सिंधुदुर्ग व रत्नागिरी जिल्ह्यांत ३ ते ७ मि.मी. पावसाची शक्‍यता आहे. वाऱ्याची दिशा ईशान्येकडून आणि ताशी वेग ६ ते १० कि.मी. राहील. कमाल तापमान पालघर व ठाणे जिल्ह्यांत ३३ अंश सेल्सिअस, तर सिंधुदुर्ग, रत्नागिरी व रायगड जिल्ह्यांत ३५ अंश सेल्सिअस राहील. किमान तापमान सिंधुदुर्ग व रत्नागिरी जिल्ह्यांत २२ ते २३ अंश सेल्सिअस, तर पालघर, रायगड व ठाणे जिल्ह्यांत २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ६३ ते ७७ टक्के, तर दुपारची सापेक्ष आर्द्रता ३८ ते ४७ टक्के राहील. उत्तर महाराष्ट्र  कमाल तापमान नाशिक व जळगाव जिल्ह्यांत ३१ अंश सेल्सिअस, तर धुळे व नंदूरबार जिल्ह्यांत २९ ते ३० अंश सेल्सिअस राहील. नाशिक जिल्ह्यात हवामान ढगाळ राहील. सकाळची सापेक्ष आर्द्रता ५० ते ५८ टक्के, तर दुपारची सापेक्ष आर्द्रता ३३ ते ३९ टक्के राहील. वाऱ्याचा ताशी वेग ७ ते ९ कि.मी. राहील. वाऱ्याची दिशा धुळे जिल्ह्यात पूर्वेकडून, तर नाशिक, नंदूरबार व जळगाव जिल्ह्यांत ईशान्येकडून राहील. किमान तापमान धुळे जिल्ह्यात १३ अंश सेल्सिअस किंवा त्याहून कमी राहील. तर उर्वरित जिल्ह्यांत १८ अंश सेल्सिअस राहील. मराठवाडा  ज्या भागात हवेचे दाब कमी होतील तेथे पावसाची शक्यता राहील. उस्मानाबाद जिल्ह्यात आज ४ मिमी आणि उद्या ३ मिमी पावसाची शक्यता राहील. लातूर जिल्ह्यात आज ५ मि.मी., तर बीड जिल्ह्यात उद्या ३ मि.मी. पावसाची शक्‍यता आहे. काही भागात अल्पशा पावसाची शक्यता राहील. उस्मानाबाद व लातूर जिल्ह्यांत वाऱ्याची दिशा आग्नेयेकडून राहण्यामुळे अल्पशा पावसाची शक्‍यता निर्माण होईल. नांदेड, बीड, परभणी, हिंगोली, जालना आणि औरंगाबाद जिल्ह्यांत वाऱ्याची दिशा ईशान्येकडून राहील. थंडीचे प्रमाण वाढेल. वाऱ्याचा ताशी वेग ६ ते ९ कि.मी. राहील. कमाल तापमान औरंगाबाद जिल्ह्यात २४ अंश सेल्सिअसपर्यंत, तर उस्मानाबाद, लातूर, बीड, जालना जिल्ह्यांत ३० अंश सेल्सिअसपर्यंत घसरेल. नांदेड, परभणी, हिंगोली जिल्ह्यांत ते ३१ अंश सेल्सिअस राहील. किमान तापमान औरंगाबाद जिल्ह्यात ११ अंश सेल्सिअसपर्यंत, तर जालना जिल्ह्यात १८ अंश सेल्सिअस राहील. उस्मानाबाद, बीड, परभणी व हिंगोली जिल्ह्यांत ते १९ अंश सेल्सिअस, तर लातूर व नांदेड जिल्ह्यांत २० ते २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता उस्मानाबाद व लातूर जिल्ह्यांत ८० ते ८१ टक्के व उर्वरित जिल्ह्यांत ४८ ते ६६ टक्के राहील. दुपारची सकाळची सापेक्ष आर्द्रता ३१ ते ५१ टक्के राहील. पश्‍चिम विदर्भ  अकोला, बुलडाणा, वाशीम व अमरावती जिल्ह्यांत कमाल तापमान ३१ अंश सेल्सिअस, तर किमान १७ अंश सेल्सिअस राहील. आकाश निरभ्र राहील. सकाळची सापेक्ष आर्द्रता ५२ ते ५५ टक्के, तर दुपारची ३२ ते ३३ टक्के राहील. वाऱ्याचा ताशी वेग ७ ते १० कि.मी. राहील व वाऱ्याची दिशा ईशान्येकडून राहील. मध्य विदर्भ  यवतमाळ, वर्धा व नागपूर जिल्ह्यांत कमाल तापमान ३१ अंश सेल्सिअस, तर किमान तापमान १७ ते १८ अंश सेल्सिअस राहील. आकाश निरभ्र राहील. सकाळची सापेक्ष आर्द्रता ५१ ते ५५ टक्के, तर दुपारची सापेक्ष आर्द्रता ३५ ते ४० टक्के राहील. वाऱ्याचा ताशी वेग ९ ते ११ कि.मी. आणि दिशा ईशान्येकडून राहील. पूर्व विदर्भ  आज गडचिरोली जिल्ह्यात अल्पशा पावसाची शक्‍यता आहे. कमाल तापमान चंद्रपूर व गडचिरोली जिल्ह्यांत ३४ अंश सेल्सिअस, तर भंडारा व गोंदिया जिल्ह्यांत ३२ अंश सेल्सिअस राहील. किमान तापमान भंडारा व गोंदिया जिल्ह्यांत १७ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५५ ते ७० टक्के तर दुपारची २९ ते ३८ टक्के राहील. वाऱ्याचा ताशी वेग ६ ते ८ कि.मी. आणि दिशा ईशान्येकडून राहील. हवामान कोरडे व थंड राहील. दक्षिण-पश्‍चिम महाराष्ट्र  आज आणि उद्या कोल्हापूर, सांगली, सातारा, सोलापूर, पुणे व नगर जिल्ह्यांत तुरळक ठिकाणी अल्पशा ३ ते ७ मि.मी. पावसाची शक्‍यता आहे. सोलापूर जिल्ह्यात वाऱ्याची दिशा आग्नेयेकडून, सांगली जिल्ह्यात पूर्वेकडून तर कोल्हापूर, सातारा, पुणे व नगर जिल्ह्यांत ईशान्येकडून राहील. वाऱ्याचा ताशी वेग ७ ते १० कि.मी. राहील. कमाल तापमान कोल्हापूर जिल्ह्यात ३३ अंश सेल्सिअस, सांगली जिल्ह्यात ३२ अंश सेल्सिअस, तर उर्वरित जिल्ह्यांत ३० ते ३१ अंश सेल्सिअस राहील. किमान तापमान १९ ते २० अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ६७ ते ८० टक्के, तर दुपारची ४५ ते ५२ टक्के राहील. कृषी सल्ला