Sangli News : शिराळा तालुक्यात दिवसेंदिवस लम्पी स्कीन आजाराचा प्रादुर्भाव वाढू लागला आहे. १ हजार २९१ जनावरांना लागण झाली आहे. त्यापैकी ७३८ जनावरे बरी झाली आहेत. ४३७ जनावरांवर उपचार सुरू आहेत.
आतापर्यंत ११६ जनावरांचा मृत्यू झाला आहे. त्यामुळे पशुपालकांमध्ये चिंता आहे. २५ हजार ९३४ जनावरांना रोगप्रतिबंधक लसीकरण करण्यात आले आहे.
शिराळा तालुक्यात गोवंशीय जनावरांची संख्या २६ हजार ४३२ इतकी आहे. तालुक्यात ९२ गावे असून, ५२ गावांत प्रादुर्भाव आढळून आला आहे.
तालुक्यात १३ लम्पीबाधित क्षेत्रे आहेत. पशुसंवर्धन विभागाने लसीकरणाची मोहीम राबवली असून २५ हजार ९३४ जनावरांना लसीकरण केले आहे. तर उर्वरित ४९८ जनावरांचे लसीकरण अद्यापही झाले नसल्याचे चित्र आहे.
आतापर्यंत बैल १४, गायी ५७, पाड्या २७, खोंड १८ असे एकूण ११६ जनावरे लम्पी रोगाने दगावली आहेत. तालुक्यात २० पशुवैद्यकीय अधिकारी, कर्मचारी कार्यरत आहेत. परंतु लम्पी स्कीनचा प्रादुर्भाव वाढत असल्याने शेतकऱ्यांची चिंता वाढली आहे.
एकूण गोवंशीय जनावरे २६४३२
तालुक्यातील बाधित क्षेत्र १३
लम्पीबाधित जनावरे १२९१
बरी झालेली जनावरे ७३८
उपचार सुरू असणारी जनावरे ४३७
मृत जनावरे ११६ (बैल १४, गायी ५७, पाड्या २७, खोंड १८)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.