Akola News : खरीप हंगामात चारावर्गीय पिकांचे लागवड क्षेत्र कमी झाल्याने दर वर्षी चाऱ्याची टंचाई निर्माण होत असते. या वर्षी चाराटंचाईमध्ये अधिक वाढ झाली असून, या तालुक्यात चाराटंचाई सदृश परिस्थिती निर्माण झाली आहे. पशुखाद्याचे वाढलेले दर व चाराटंचाईमुळे दुग्ध उत्पादक शेतकरी, गौरक्षण संस्था चालक अडचणीत सापडले आहेत. चारा छावण्या सुरू करण्याची मागणी केली जात आहे.
गौरक्षण कायदा लागू झाल्यापासून गोरक्षणामध्ये येणाऱ्या जनावरांची संख्या वाढली आहे. अनेकवेळा छुप्या मार्गाने कत्तलीसाठी जाणारे गोवंश पोलिस प्रशासनाच्या सतर्कतेमुळे जप्त करून देखभाल व संरक्षणासाठी गोरक्षण संस्थांमध्ये आणून सोडले जाते.
सध्या चारा टंचाईमुळे गोवंशावर उपासमारीची वेळ आली असून शासनाकडे चारा छावण्याची मागणी करूनही गेल्या दोन वर्षांपासून कोणत्याही प्रकारची दखल घेण्यात आली नसल्याचे वास्तव समोर आले आहे.
गेल्या दोन ते तीन वर्षांपासून बार्शीटाकळी तालुक्यात चाऱ्याची टंचाई निर्माण होत आहे. परिणामी अनेक पशुपालक आपल्या मालकीच्या गायी, म्हैशी, बैल आदी जनावरे विक्रीसाठी बाजारात नेताना दिसतात.
प्रशासनाने याचा गांभीर्याने विचार करून गोरक्षणामध्ये असणाऱ्या गोवंशांना चारा छावण्या उपलब्ध करून देण्याची मागणी बार्शीटाकळी तालुक्यातील गोरक्षण संस्था चालकांनी केली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.