Akola News : जिल्ह्यातील विविध विकास कामांचे उद्‌घाटन व लोकार्पण महाराष्ट्र राज्याचे मुख्यमंत्री देवेंद्र फडणवीस यांच्या हस्ते आभासी पद्धतीने झाला. याच उपक्रमांतर्गत, महाराष्ट्र पशु व मत्स्य विज्ञान विद्यापीठातंर्गत असलेल्या अकोला येथे नवीन पशुवैद्यक व पशुविज्ञान महाविद्यालय उभारण्याच्या कोनशिलेचे मुख्यमंत्र्याच्या हस्ते डिजिटल अनावरण करण्यात आले.
या वेळी नियोजन भवनात झालेल्या सोहळ्याला विद्यापीठाचे कुलगुरू डॉ. एन. व्ही. पाटील, शिक्षण संचालक व अधिष्ठाता डॉ. शिरीष उपाध्ये, भारतीय पशुवैद्यक परिषदेचे उपाध्यक्ष डॉ. संदीप इंगळे, शिक्षण विस्तार संचालक डॉ. अनिल भिकाने, सहयोगी अधिष्ठाता डॉ. चैतन्य पावशे, प्रकल्प अधिकारी डॉ. मिलिंद थोरात आदी मान्यवर उपस्थित होते.
रौप्य महोत्सवी वर्ष साजरे करीत असलेल्या विद्यापीठाच्या वतीने अकोला येथील महाविद्यालय परिसरात प्रत्यक्ष शिलान्यास कुलगुरू डॉ. पाटील यांच्या हस्ते पार पडला.
यावेळी बोलताना त्यांनी सांगितले, की विदर्भातील पशुधन समृद्धीसाठी आणि कुशल मनुष्यबळ निर्मितीसाठी हे नवीन महाविद्यालय उपयुक्त ठरेल. स्थानिक युवकांना उच्च शिक्षणाच्या संधी उपलब्ध करून देण्यासाठी ही भक्कम पायाभूत सुविधा असेल.
कार्यक्रमाचे प्रास्ताविक डॉ. चैतन्य पावशे यांनी केले. डॉ. संदीप इंगळे, डॉ. शिरीष उपाध्ये आणि डॉ. अनिल भिकाने यांनी यावेळी आपले मनोगत व्यक्त केले. कार्यक्रमाचे सूत्रसंचालन डॉ. प्रवीण बनकर यांनी तर आभार डॉ. कुलदीप देशपांडे यांनी मानले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.