Lumpy Skin : यात्रेतील बैल बाजारावर लम्पी स्कीनचे सावट

खालापूरः ताकई साजगाव टेकडीवरील विठुरायाचा मंदिर परिसर सध्या यात्रेने गजबजला असला तरी यात्रेतील एक कोपरा मात्र बैल बाजाराविना खाली आहे. लम्पी स्कीनच्या (Lumpy Skin) प्रादुर्भावामुळे स्थानिक विक्रेतेही यात्रेकडे फिरकले नसल्‍याने चित्र आहे.

यात्रेतील बैल बाजारही एकेकाळी राज्‍यभरात प्रसिद्ध होता. मावळ प्रांतातील चांगले बैल साजगाव यात्रेत विक्रीसाठी आवर्जून आणले जायचे, यात्रेतील दीड-दोन

एकराचा परिसर बैल बाजाराने व्यापलेला असायचा. खरेदी विक्री व्यवहार होत असताना थेट किंमत सांगणे टाळले जायचे. बैलाचा मालक आणि खरेदीदार हातात हात घेऊन वर रुमाल टाकून सांकेतिक व्यवहार करायचे. उमदी जनावरे पाहण्यासाठी देखील अनेक जण बैल बाजारातून फेरफटका मारायचे. मात्र हाच बैलबाजार सध्या सुनासुना आहे.g