Department Of Animal Husbandry : नाशिक जिल्ह्यात १८ पशुधन पर्यवेक्षकांना पदोन्नती

Nashik News : पशुसंवर्धन विभागातील १८ पशुधन पर्यवेक्षकांना सहायक पशुधन विकास अधिकारी म्हणून पदोन्नती मिळाली आहे. राज्य शासनाने शंभर दिवसांचा कृती कार्यक्रम हाती घेतला आहे. या अंतर्गत जिल्हा परिषदेच्या मुख्य कार्यकारी अधिकारी आशिमा मित्तल यांनी पशुसंवर्धन विभागातील कर्मचाऱ्यांना पदोन्नती दिली.

जिल्हा परिषदेमध्ये पशुसंवर्धन विभागाची अतिशय जलदगतीने पारदर्शक पदोन्नती प्रक्रिया राबविण्यात आली. पशुसंवर्धन विभागातील १८ पशुधन पर्यवेक्षक पदावर काम करणाऱ्या कर्मचाऱ्यांना सहायक पशुधन विकास अधिकारी या पदावर पदोन्नती देण्यात आली.

त्यासोबत नवीन ठिकाणी बदली करण्यात आली असून त्या ठिकाणी हजर होण्याचे आदेश देण्यात आले. यानिमित्त जिल्हा पशुसंवर्धन अधिकारी डॉ. संजय शिंदे, शिला भारती, हेमंत मंडलिक, ज्ञानेश्‍वर पवार, अनिल गिते, अनिल दराडे, गौतम अग्निहोत्री यांचे पशुसंवर्धन संघटनेच्या वतीने आभार मानण्यात आले.

या वेळी पशुचिकित्सा व्यवसायी संघटनेचे जिल्हाध्यक्ष डॉ. भगवान पाटील, कार्याध्यक्ष डॉ. संतोष पजई, सरचिटणीस डॉ. सुभाष वाघमोडे, कोशाध्यक्ष डॉ. विनायक भंडारे, डॉ. रवींद्र चांदोरे, जिल्हा परिषद महासंघाचे अध्यक्ष अरुण आहेर, सरचिटणीस विक्रम पिंगळे उपस्थित होते.

...यांना मिळाली पदोन्नती

महादू गावित (कासारी, ता. नांदगाव), संजय कहांडळ (मुखेड, ता. निफाड), ज्योती पाटील (ओढा, ता. नाशिक), सुनील संत (गिरणारे, ता. नाशिक), राजेश जावरे (निमोण, ता. चांदवड), प्रल्हाद गावित (पाटणे, ता. मालेगाव), अरुण भिवसन (सावळाखडी, ता. मालेगाव), गणेश भोये (पं.स. देवळा), विष्णू गंभिरे (पाटोदा, ता. येवला), भगवान भुसारे (बाणगाव, ता. नांदगाव), हरिश रोकडे (जळगाव नेऊर, ता.येवला), शेखर येवलेकर (दापूर, ता. सिन्नर), सौरभ विभूते (करंजवन, ता.दिंडोरी), सचिन घोरपडे (अंदरसूल, ता. येवला), निवृत्ती आहेर (काजीसांगवी, ता. चांदवड), जगन्नाथ राठोड (अस्वली, ता. इगतपुरी), राजेंद्र केदार (उगाव, ता. निफाड), प्रवीण पानसरे (आशेवाडी ता. दिंडोरी).