Department Of Animal Husbandry : ‘पशुवैद्यकीय’च्या भिंती होणार बोलक्या

Pune News : शाळांमध्ये ‘बोलक्या भिंती’ करण्यात आल्या, त्याचा विद्यार्थ्यांच्या आकलन क्षमतेसाठी चांगला फायदा झाला. आता त्याच धर्तीवर जिल्ह्यातील पशुसंवर्धन विभागाने दवाखान्यांच्या भिंतीही बोलक्या करण्यात येणार आहेत.

सध्या लोकसहभागातून आठ दवाखान्यांमध्ये ‘बोलक्या भिंती’ करण्यात आल्या असून, सर्वच दवाखान्यांमध्ये हा उपक्रम लोकसहभागातून करण्यात येणार असल्याची माहिती जिल्हा परिषदेचे अतिरिक्त मुख्य कार्यकारी अधिकारी चंद्रकांत वाघमारे यांनी दिली.

जिल्ह्यामध्ये पशुसंवर्धन विभागाचे २८८ ठिकाणी दवाखाने आहेत. यामाध्यमातून पशूंच्या आजाराचे निदान करून उपचार केले जातात. नियमित लसीकरणाबरोबरच आपत्कालीन परिस्थितीमध्ये आलेल्या रोगांचा प्रादुर्भाव रोखण्याचे काम केले जाते.

दवाखान्यात येणाऱ्या पशुपालकांमध्ये जनजागृती होण्यासाठी तसेच विविध आजारांची माहिती, त्याची लक्षणे, प्राथमिक उपचार याबद्दल माहिती दवाखान्यांच्या भिंतीवर विविध रंगसंगती करून लिहिण्यात येणार आहे. बांधकाम, दुरुस्तीसाठी हवे सत्तावीस कोटी

जिल्ह्यातील २८८ पैकी ३१ दवाखान्यांच्या इमारती या नव्याने बांधण्याची आवश्यकता आहे. तर २६ दवाखाने हे खासगी जागेवर सुरू आहेत. अद्याप त्यांना हक्काची जागा उपलब्ध नाही. जवळपास सव्वाशे दवाखान्यांच्या इमारतींना दुरुस्तीची गरज आहे.