Rain Alert : राज्याच्या काही भागात ढगाळ वातावरण आणि हलक्या पावसाने हजेरी लावली. पण पावसाचा जोर कमीच होता. हवामान विभागाने आजही सात जिल्ह्यांमध्ये विजा आणि ढगांच्या गडगडाटासह हलक्या पावसाचा येलो अलर्ट दिला.

हवामान विभागाने आज कोकण आणि मध्य महाराष्ट्रातील काही जिल्ह्यांमध्ये पावसाचा अंदाज दिला. आज कोकणातील सिंधुदूर्ग, रत्नागिरी आणि रायगड जिल्ह्यात काही ठिकाणी विजा, ढगांच्या गडगडाटासह हलक्या पावसाचा अंदाज व्यक्त केला. तर कोल्हापूर, पुणे, सातारा आणि सांगली या जिल्ह्यांमध्ये विज आणि ढगांच्या गडगडाटासह हलक्या सरी पडतील, असा अंदाज हवामान विभागाने दिला. तर ठाणे, नगर आणि धाराशिव या जिल्ह्यांमध्ये विजांसह काही भागात हलक्या सरी पडतील, असाही अंदाज हवामान विभागाने दिला.

उद्याही सिंधुदूर्ग, रत्नागिरी, कोल्हापूर, सांगली आणि सातारा जिल्ह्यात विजा, ढगांच्या गडगडाटासह हलक्या पावासाचा अंदाज हवामान विभागाने दिला. तर रायगड आणि पुणे जिल्ह्यातही काही ठिकाणी हलक्या सरी पडतील, असा अंदाज हवामान विभागाने दिला.