Pune News : राज्यात पूर्वमोसमी पावसाच्या सरी कोसळत आहे. यातच सकाळपासूनच उन्हाचा चटका, उकाडा कायम आहे. आज (ता. १७) राज्यात वादळी वाऱ्यासह पावसाचा इशारा कायम आहे. तर उन्हाचा चटका कमी-अधिक होण्याचा अंदाज हवामान विभागाने म्हटले आहे.

गुरूवारी (ता. १६) सकाळपर्यंतच्या २४ तासांमध्ये जळगाव येथे उच्चांकी ४२ अंश सेल्सिअस तापमानाची नोंद झाली. विदर्भ, मध्य महाराष्ट्रात काही ठिकाणी पारा ४० अंशांच्या वर आहे. तर मराठवाडा आणि विदर्भात काही ठिकाणी हलक्या ते मध्यम पावसाने हजेरी लावली. ढगाळ आकाशामुळे उन्हाचा चटका कमी झाला असून, कमाल तापमानात चढ-उतार होत आहे.

अरबी समद्रात येमेनच्या किनाऱ्यालगत समुद्र सपाटीपासून ४.५ किलोमीटर उंचीपर्यंत चक्राकार वाऱ्यांची स्थिती आहे. मध्य प्रदेश आणि परिसरावर ९०० मीटर उंचीवर चक्राकार वाऱ्याची स्थिती आहे. राज्यातही पूर्वमोसमी पावसाला पोषक हवामान आहे. आज (ता. १७) दक्षिण कोकण, मध्य महाराष्ट्र, मराठवाडा, विदर्भात वादळी वाऱ्यासह पावसाचा इशारा (येलो अलर्ट) देण्यात आला आहे.

गुरूवारी (ता. १६) सकाळपर्यंतच्या २४ तासांमध्ये नोंदले गेलेले कमाल तापमान (अंश सेल्सिअस मध्ये) :

पुणे ३७.५, धुळे ४१.०, जळगाव ४२.० कोल्हापूर ३५.७, महाबळेश्वर २९.६, मालेगाव ४०.०, नाशिक ३८.३, निफाड ३६.७, सांगली ३६.६, सातारा ३६.७, सोलापूर ३६.०, सांताक्रूझ ३७.२, डहाणू ३७.५, रत्नागिरी ३६.०,

छत्रपती संभाजीनगर ३८.०, बीड ३७.३, नांदेड ३७.२, धाराशिव ३७.८, परभणी ३५.५, अकोला ४०.९, अमरावती ३८.४, बुलढाणा ३७.६, ब्रह्मपूरी ३९.४, चंद्रपूर ४०.८, गडचिरोली ३९.२, गोंदिया ३८.१, नागपूर ३६.२, वर्धा ३८.२, वाशीम ४१.२, यवतमाळ ३८.५.

वादळी पावसाचा इशारा (येलो अलर्ट) :

सिंधुदुर्ग, नगर, सांगली, सोलापूर, कोल्हापूर, जालना, बीड, धाराशिव, लातूर, हिंगोली, नांदेड, परभणी, बुलढाणा, अकोला, अमरावती, वाशीम.