Pune News: पावसाअभावी कमाल तापमान चाळिशीपार गेल्याने विदर्भात होरपळ वाढली आहे. आज (ता. १२) दक्षिण मध्य महाराष्ट्र, विदर्भात जोरदार वादळी पावसाची शक्यता असल्याने दक्षतेचा इशारा (ऑरेंज अलर्ट) देण्यात आला आहे. उर्वरित राज्यात विजांसह जोरदार पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे.

कमाल तापमान वाढल्याने विदर्भात पारा चाळिशीपार गेला आहे. बुधवारी (ता. ११) सकाळपर्यंतच्या २४ तासांमध्ये विदर्भातील नागपूर आणि ब्रह्मपुरी येथे राज्यातील उच्चांकी ४३.६ अंश तापमानाची नोंद झाली. ‎‎अमरावती, ‎भंडारा, ‎‎‎अकोला, ‎वर्धा येथे ४२ अंशांपेक्षा अधिक तर ‎यवतमाळ, ‎गोंदिया, जळगाव येथे पारा चाळिशीपार होता.

आज (ता. १२) मध्य महाराष्ट्रातील कोल्हापूर, सांगली, विदर्भातील अकोला, अमरावती, नागपूर, चंद्रपूर, गोंदिया, गडचिरोली जिल्ह्यांत जोरदार वादळी पावसाची शक्यता असल्याने दक्षतेचा इशारा (ऑरेंज अलर्ट), तसेच कोकणातील सिंधुदुर्ग, मध्य महाराष्ट्रातील सातारा, सोलापूर मराठवाड्यातील धाराशीव, लातूर, परभणी, हिंगोली, नांदेड जिल्ह्यांत जोरदार पावसाचा अंदाज असल्याने, तर उर्वरित राज्यात विजांसह पावसाची शक्यता असल्याने सतर्कतेचा इशारा (येलो अलर्ट) देण्यात आला आहे.

शनिवारपासून मॉन्सूनची प्रगती शक्य

नैॡत्य मोसमी वाऱ्यांनी (मॉन्सून) यंदा वेगाने प्रगती करत २६ मे पर्यंत महाराष्ट्रातील मुंबई, अहिल्यानगर, बीड, परभणी, हिंगोली, नांदेड, यवतमाळ, चंद्रपूर आणि गडचिरोली जिल्ह्यांच्या काही भागात प्रगती केली. त्यांनतर गेल्या दोन आठवड्यांपासून मॉन्सूनची वाटचालीची सीमा ‘जैसे थे’ आहे. मॉन्सूनच्या वाटचालीस पोषक हवामान होत असल्याने शनिवारपासून (ता. १४) मध्य भारत आणि पूर्व भारताच्या काही भागात मॉन्सूनची प्रगती होण्याची शक्यता आहे.

बुधवारी (ता. ११) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---३१.५---२३.९

अहिल्यानगर---निरंक---२३.७

‎‎धुळे---३९.०---२३.६

जळगाव---४०.४---२७.२

जेऊर---३१.०---२१.५

‎‎कोल्हापूर---३१.४---२१.२

महाबळेश्वर---२३.१---१७.१

मालेगाव---३८.२---२४.६

‎‎नाशिक---३१.३---२३.२

‎निफाड---३४.०---२३.६

‎सांगली---३२.८---२३.९

‎सातारा---३२.४---२२.१

‎सोलापूर---२९.०---२४.२

‎सांताक्रूझ---३३.७---२८.८

डहाणू---३४.०---२८.०

‎रत्नागिरी---३२.४---२७.३

‎छत्रपती संभाजीनगर---३६.८---२५.०

‎धाराशिव---३०.९---२०.७

‎परभणी---३२.४---२३.५

परभणी (कृषी)---२९.६---२१.१

‎‎अकोला---४२.०---२९.७

अमरावती---४२.४---२५.८

‎भंडारा---४२.४---२५.७‎‎

बुलडाणा---३६.६---२६.६

‎ब्रह्मपुरी---४३.६---२२.८

‎चंद्रपूर---३७.८---२२.४

‎गडचिरोली---३७.०---२३.६

‎गोंदिया---४०.८---२४.४

‎नागपूर---४३.६---२४.४

‎वर्धा---४२.०---२४.५

‎वाशीम---३८.०---२५.६

‎यवतमाळ---४१.४---२४.०

जोरदार वादळी पावसाचा इशारा (ऑरेंज अलर्ट) : कोल्हापूर, सांगली, अकोला, अमरावती, नागपूर, चंद्रपूर, गोंदिया, गडचिरोली.

जोरदार वादळी पावसाचा इशारा (येलो अलर्ट) : सिंधुदुर्ग, सातारा, सोलापूर, धाराशिव, लातूर, परभणी, हिंगोली, नांदेड.

विजांसह वादळी पावसाची शक्यता (येलो अलर्ट) : ठाणे, मुंबई, रायगड, रत्नागिरी, धुळे, जळगाव, नाशिक, अहिल्यानगर, पुणे, छत्रपती संभाजीनगर, जालना, बीड, बुलडाणा, वर्धा, वाशीम, भंडारा, यवतमाळ.

४० अंशांपेक्षा अधिक तापमान असलेली ठिकाणे : ‎ब्रह्मपुरी ४३.६, ‎नागपूर ४३.६, अमरावती ४२.४, ‎भंडारा ४२.४, ‎‎‎अकोला ४२, ‎वर्धा ४२, ‎यवतमाळ ४१.४, ‎गोंदिया ४०.८, जळगाव ४०.४.