Maharashtra Weather Update: विदर्भात उष्णतेच्या लाटेसदृश्य स्थिती असून, उष्ण लाटेने होरपळ कायम आहे. आज (ता. २४) अकोला, अमरावती आणि वर्धा जिल्ह्यांत तीव्र उष्णतेची लाट येण्याची शक्यता असून खबरदारीचा इशारा (रेड अलर्ट) हवामान विभागाकडून देण्यात आला आहे..रविवारी (ता. २५) सकाळपर्यंतच्या २४ तासांमध्ये महाराष्ट्रातील ब्रह्मपुरी येथे देशातील उच्चांकी ४७.१ अंश सेल्सिअस तापमानाची नोंद झाली. नैॡत्य बंगालच्या उपसागरात समुद्र सपाटीपासून ३.१ ते ५.८ किलोमीटर उंचीवर चक्राकार वाऱ्यांची स्थिती आहे. दक्षिण बिहारपासून आंध्र प्रदेशच्या किनाऱ्यापर्यंत हवेचा कमी दाबाचा पट्टा कायम आहे..रविवारी (ता. २५) सकाळपर्यंतच्या २४ तासांत ब्रह्मपूरी पाठोपाठ गडचिरोली, चंद्रपूर येथे ४६ अंशापेक्षा अधिक, वर्धा, नागपूर, अमरावती आणि भंडारा येथे ४५ अंशांपेक्षा अधिक, अकोला आणि गोंदिया येथे ४४ अंश, आणि जळगाव, वाशीम आणि यवतमाळ येथे ४३ अंश सेल्सिअसपेक्षा अधिक तापमानाची नोंद झाली. तापमानाचा पारा ४० पार गेल्यास आणि कमाल तापमानात ४.५ अंशापेक्षा अधिक वाढ झाल्यास तसेच कमाल तापमान ४५ अंशांपार गेल्यास उष्णतेची लाट आल्याचे समजले जाते त्यानुसार विदर्भात उष्णतेची लाट उसळली आहे. यातच महाबळेश्वर येथे राज्यातील नीचांकी १९.५ अंश सेल्सिअस तापमानाची नोंद झाली..Weekly Weather: कमाल आणि किमान तापमानात घट सुरू.आज (ता. २५) विदर्भातील अमरावती, वर्धा आणि चंद्रपूर जिल्ह्यांत तीव्र उष्ण लाटेची शक्यता असल्याने खबरदारीचा इशारा (रेड अलर्ट) कायम आहे. अकोला, यवतमाळ, नागपूर, भंडारा, गोंदिया, गडचिरोली जिल्ह्यांत उष्ण लाटेची शक्यता असल्याने दक्षतेचा इशारा (ऑरेंज अलर्ट), पुणे, अहिल्यानगर, सोलापूर, धाराशिव, बीड आणि लातूर या जिल्ह्यांत वादळी पावसाची शक्यता असल्याने सतर्कतेचा इशारा (येलो अलर्ट) देण्यात आला आहे. उर्वरित राज्यात अंशतः ढगाळ हवामान, तुरळक ठिकाणी विजांसह पाऊस आणि उन्हाचा चटका कायम राहण्याचा अंदाज कायम असल्याचे हवामान विभागाने म्हटले आहे..मॉन्सून ‘जैसे थे’शनिवारी (ता. २३) मॉन्सूनने श्रीलंकेचा निम्म्याहून अधिक भाग, नैॡत्य अरबी समुद्राचा काही भाग, आग्नेय अरबी समुद्राचा आणखी काही भाग, कोमोरिन, बंगालच्या उपसागराच्या आणखी काही भागासह, अंदमान समुद्राचा बहुतांश भाग व्यापला आहे. रविवारी (ता. २४) मॉन्सूनची वाटचाल ‘जैसे थे’ होती. येत्या दोन दिवसांत अरबी समुद्र, कोमोरिन भाग, बंगालच्या उपसागराचा आणखी काही भाग, संपूर्ण अंदमान समुद्रात मॉन्सून दाखल होण्याची शक्यता आहे. मॉन्सून यंदा २६ मेपर्यंत केरळात दाखल होण्याचे संकेत आहेत..रविवारी (ता. २४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :ठिकाणे---तापमान कमाल---तापमान किमानपुणे---३४.७---२५.४अहिल्यानगर---३९.२---२५.५धुळे---४०.६---२३.६जळगाव---४३.६---२८.५जेऊर---४०.०---२२.०कोल्हापूर---३४.६--२२.५.महाबळेश्वर---२६.८---१९.५मालेगाव---४१.६---२५.६नाशिक---३५.५---२५.४निफाड---३७.८---२५.५सांगली---३६.८---२२.०सातारा---३६.४---२५.२सोलापूर---४०.०---२३.७.Monsoon 2026: मॉन्सून प्रगतिपथावर.सांताक्रूझ---३५.१---२९.९डहाणू---३५.४---२८.९रत्नागिरी---३४.१---२७.०छत्रपती संभाजीनगर---४०.७---२६.८धाराशिव---३९.६---२२.०परभणी---४२.१---२७.१परभणी (कृषी)---४१.१---२४.०.अकोला---४४.९---३०.५अमरावती---४५.४---२९.०भंडारा---४५.०---२८.०बुलडाणा---४०.४---२७.६ब्रह्मपूरी---४७.१---२९.०चंद्रपूर---४६.२---३१.४.गडचिरोली---४६.०---३०.२गोंदिया---४४.९---२५.५नागपूर---४५.०---२९.४वर्धा---४५.५---३१.६वाशीम---४३.५---२९.०यवतमाळ---४३.८---३०.८.सरासरी तापमान (अंश से.)विभाग---किमान---कमालउत्तर महाराष्ट्र---२५.४---४३.६पश्चिम महाराष्ट्र---१९.५---४०.०मराठवाडा---२२.०---४२.१विदर्भ---२५.५---४७.१कोकण---२७.०---३५.४.उष्ण लाटेचा इशारा (रेड अलर्ट) : अमरावती, वर्धा, चंद्रपूर.उष्ण लाटेचा इशारा (ऑरेंज अलर्ट) : अकोला, यवतमाळ, नागपूर, भंडारा, गोंदिया, गडचिरोली.वादळी पावसाचा इशारा (येलो अलर्ट) : पुणे, अहिल्यानगर, सोलापूर, धाराशिव, बीड, लातूर.उष्णतेची लाट असलेली ठिकाणे : ब्रह्मपूरी ४७.१, चंद्रपूर ४६.२, गडचिरोली ४६, वर्धा ४५.५, अमरावती ४५.४, भंडारा ४५, नागपूर ४५..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
