Pune News: राज्यात पावसाने उघडीप देताच उन्हाचा चटका तापदायक ठरू लागला आहे. कमाल तापमान चाळीशीपार असल्याने विदर्भ भाजून निघत आहे. आज (ता. ११) सातारा, सांगली, हिंगोली, नांदेड जिल्ह्यांत जोरदार पावसाची शक्यता असल्याने, तसेच उर्वरित राज्यात विजांसह पावसाचा अंदाज असल्याने सतर्कतेचा इशारा (येलो अलर्ट) हवामान विभागाने दिला आहे.
कमाल तापमान वाढल्याने पारा चाळीशीपार गेला आहे. मंगळवारी (ता. १०) सकाळपर्यंतच्या २४ तासांमध्ये विदर्भातील नागपूर येथे राज्यातील उच्चांकी ४४.२ अंश तापमानाची नोंद झाली. वर्धा, ब्रह्मपुरी येथे ४३ अंशांपेक्षा अधिक, भंडारा, गोंदिया, अमरावती येथे ४२ अंशांपेक्षा अधिक तर अकोला, यवतमाळ, चंद्रपूर, जळगाव येथे पारा चाळिशीपार होता. तर मराठवाड्यात मध्यम ते जोरदार पावसाने हजेरी लावली.
आज (ता. ११) राज्यात विजासंह पावसाची अंदाज कायम आहे. सातारा, सांगली, हिंगोली, नांदेड जिल्ह्यांत जोरदार पावसाची शक्यता असल्याने, तसेच कोकणातील रायगड, रत्नागिरी, मध्य महाराष्ट्रातील नाशिक, अहिल्यानगर, पुणे, सोलापूर, कोल्हापूर, मराठवाड्यातील छत्रपती संभाजीनगर, जालना, बीड, परभणी, धाराशिव, लातूर, विदर्भातील अकोला, अमरावती, वर्धा, वाशीम, नागपूर, भंडारा, गोंदिया, यवतमाळ, चंद्रपूर, गडचिरोली जिल्ह्यांत विजांसह वादळी पावसाचा अंदाज असल्याने सतर्कतेचा इशारा (येलो अलर्ट) देण्यात आला आहे.
मॉन्सूनच्या प्रगतीसाठी पोषक हवामान
नैॡत्य मोसमी वाऱ्यांनी (मॉन्सून) यंदा वेगाने प्रगती करत मे महिन्यात महाराष्ट्रात धडक दिली. मंगळवारी (ता. १०) महाराष्ट्रातील मुंबई, अहिल्यानगर, बीड, परभणी, हिंगोली, नांदेड, यवतमाळ, चंद्रपूर आणि गडचिरोली जिल्ह्यांच्या काही भागातील मॉन्सूनची वाटचालीची सीमा ‘जैसे थे’ होती. मॉन्सूनच्या वाटचालीस पोषक हवामान होत असल्याने १४ जूनपर्यंत मध्य भारत आणि पूर्व भारताच्या काही भागात मॉन्सूनची चाल होण्याची शक्यता आहे.
मंगळवारी (ता. १०) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---३१.४---२२.४
अहिल्यानगर---३४.०---२२.७
धुळे---३९.०---२३.६
जळगाव---४०.२---२७.३
जेऊर---३५.०---२२.०
कोल्हापूर---३०.६---२२.७
महाबळेश्वर---२२.७---१६.२
मालेगाव---३८.२---निरंक
नाशिक---३१.३---२३.२
निफाड---३३.७---२३.१
सांगली---३०.८---२२.६
सातारा---३१.६---२२.१
सोलापूर---३३.३---२२.८
सांताक्रूझ---३३.५---२८.०
डहाणू---३४.३---२७.८
रत्नागिरी---३०.८---२५.२
छत्रपती संभाजीनगर---३७.४---२४.४
धाराशिव---निरंक---२०.२
परभणी---३६.९---२४.२
परभणी (कृषी)---३७.०---२२.८
अकोला---४१.५---२९.३
अमरावती---४२.०---२७.५
भंडारा---४२.८---२७.०
बुलडाणा---३६.७---२५.८
ब्रह्मपुरी---४३.२---२६.४
चंद्रपूर---४१.०---२५.०
गडचिरोली---३९.४---२५.२
गोंदिया---४२.२---२७.४
नागपूर---४४.२---२८.३
वर्धा---४३.५---२७.९
वाशीम---३८.४---२५.०
यवतमाळ---४१.४---२४.८
जोरदार वादळी पावसाचा इशारा (येलो अलर्ट) :
सातारा, सांगली, हिंगोली, नांदेड.
विजांसह वादळी पावसाची शक्यता (येलो अलर्ट) :
रायगड, रत्नागिरी, नाशिक, अहिल्यानगर, पुणे, सोलापूर, कोल्हापूर, छत्रपती संभाजीनगर, जालना, बीड, परभणी, धाराशिव, लातूर, अकोला, अमरावती, वर्धा, वाशीम, नागपूर, भंडारा, गोंदिया, यवतमाळ, चंद्रपूर, गडचिरोली.
४० अंशांपेक्षा अधिक तापमान असलेली ठिकाणे :
नागपूर ४४.२, वर्धा ४३.५, ब्रह्मपुरी ४३.२, भंडारा ४२.८, गोंदिया ४२.२, अमरावती ४२, अकोला ४१.५, यवतमाळ ४१.४, चंद्रपूर ४१, जळगाव ४०.२.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.