Monsoon back : माॅन्सूनचा परतीचा प्रवास मागील तीन दिवसांपासून थबकलेला आहे. माॅन्सूनची सीमा एकाच भागात कायम आहे. तर राज्यात उन्हाचा चटका असह्य होत आहे. तसेच हवामान विभागाने राज्यातील काही जिल्ह्यांमध्ये हलक्या पावसाचा अंदाज दिला आहे.

हवामान विभागाने राज्यातील काही भागांमध्ये आज हलक्या सरी पडतील, असा अंदाज दिला. कोकणातील सिंधुदुर्ग जिल्ह्यात ठिकठिकाणी विजांसह हलका ते मध्यम पाऊस पडेल, असा अंदाज हवामान विभागाने वर्तविला. तसेच तसेच वाऱ्यांचा वेगही जास्त राहण्याचा अंदाज आहे. सोबतच रत्नागिरी आणि रायगड जिल्ह्यातही काही ठिकाणी विजांसह हलक्या सरी पडतील, असा अंदाज आहे. तर कोल्हापूर जिल्ह्यातही काही ठिकाणी हलका पाऊस होऊ शकतो, असे हवामान विभागाने म्हटले आहे.

माॅन्सूनचा परतीचा प्रवास आजही थबकलेला होता. माॅन्सून महाराष्ट्राच्या बहुतांशी भागातून माॅन्सून परतला. सध्या माॅन्सून कोकणातील सिंधुदूर्ग जिल्ह्याचा काही भाग आणि विदर्भातील गडचिरोली जिल्ह्यातील काही भागात आहे. माॅन्सूनच्या परतीची सिमा दौलतगंज, कांकेर, रामागुंडम, बिजापूर आणि वेंगुर्ला या भागात कायम होती.