Weather : पुणे : राज्याच्या किमान तापमानात वाढ झाल्याने गारठा कमी होत आहे. राज्यात बहुतांश ठिकाणी पारा पुन्हा १३ अंशांच्या वर गेला आहे. राज्याच्या किमान तापमानात २ ते ३ अंशांनी वाढ होण्याची शक्यता हवामान विभागाने वर्तविली आहे.

शुक्रवारी (ता. २९) राजस्थानमधील सिकार येथे देशाच्या सपाट भूभागावरील नीचांकी ६.५ अंश सेल्सिअस तापमानाची नोंद झाली आहे. पंजाब, हरियाना, चंडीगड, दिल्ली, उत्तर प्रदेश, मध्य प्रदेश,

राजस्थानमध्ये अनेक भागात किमान तापमान ८ ते ११ अंशांच्या दरम्यान होते. उत्तरेकडून महाराष्ट्राकडे येणारे थंड वाऱ्यांचे प्रवाह काहीसे कमी झाल्यानंतर राज्याच्या किमान तापमानातही वाढ होत आहे.

थंडी कमी होण्याचा अंदाज
राज्याच्या किमान तापमानात वाढ झाल्याने पारा पुन्हा ११ अंशांच्या वर गेला आहे. शुक्रवारी (ता. २९) धुळे येथील कृषी महाविद्यालयात राज्यातील नीचांकी ११ अंश सेल्सिअस तापमानाची नोंद झाली. तर उर्वरित राज्यात तापमानाचा पारा १३ अंशांच्या वरच आहे.

आज (ता. ३०) राज्याच्या किमान तापमानात वाढ होण्याची शक्यता आहे. गारठाही कमी होण्याचा अंदाज हवामान विभागाने वर्तविला आहे.

शुक्रवारी (ता. २९) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३०.७ (१३.०), धुळे ३२.० (११.०), जळगाव ३०.० (१३.९), कोल्हापूर ३०.६ (१६.९), महाबळेश्वर २८.८ (१५.३), नाशिक ३०.३ (१४.४), निफाड ३०.५ (१२.५), सांगली ३०.४ (१५.२), सातारा ३१.० (१३.९), सोलापूर ३२.०(१६.२), सांताक्रूझ ३४.९ (२०.२), डहाणू ३२.० (१९.३), रत्नागिरी ३५.६

(१९.२), छत्रपती संभाजीनगर २८.५ (१३.५), नांदेड २९.४ (१६.४), परभणी २९.४ (१६.४), अकोला ३१.३ (१५.६), अमरावती २९.८ (१४.५), बुलडाणा २९.५ (१६.०), ब्रह्मपुरी ३२.० (१४.१), चंद्रपूर २८.८(१४.९), गडचिरोली २९.२ (१३.४), गोंदिया २८.२ (१३.५), नागपूर २८.८(१४.९), वर्धा २९.२(१४.९), वाशीम २९.८ (१४.२), यवतमाळ ३०.० (१७.०).