Pune News : राज्यातील काही भागात कालापासून ढगाळ हवामान आहे. तर काही ठिकाणी पावसाच्या हलक्या सरीही पडल्या. तसेच हवामान विभागाने काही जिल्ह्यांना पावसाचा येलो अलर्टही दिला. 

हवामान विभागाने आज अकोला, अमरावती, बुलडाणा आणि नागपूर जिल्ह्यात विजा, ढगांच्या गडगडाटासह हलक्या पावसाचा अंदाज दिला. तर सिंधुदूर्ग, रत्नागिरी, धुळे, नंदूरबार, जळगाव, नाशिक, नगर, पुणे, कोल्हापूर, सातारा, सांगली, छत्रपती संभाजीनगर या जिल्ह्यांमध्ये विजांसह हलक्या पावसाचा अंदाजही हवामान विभागाने दिला.

रविवारीही रायगड, रत्नागिरी, सिंधुदूर्ग, नाशिक, नगर, पुणे, कोल्हापूर, छत्रपती संभाजीनगर, अकोला, अमरावती जिल्ह्यात काही ठिकाणी हलक्या पावसाचा अंदाज आहे. 

सोमवारी धुळे आणि नंदूरबार जिल्ह्यात काही ठिकाणी विजा, ढगांच्या गडगडाटासह हलक्या पावसाचा अंदाज दिला. तर कोकण, नाशिक, पुणे, कोल्हापूर, सातारा, छत्रपती संभाजीनगर, अकोला, अमरावती, नागपूर या जिल्ह्यांमध्ये काही ठिकाणी किरकोळ पावसाची शक्यता आहे.

तर मंगळवारी नाशिक, नगर, छत्रपती संभाजीनगर आणि जळगाव जिल्ह्यात काही ठिकाणी विजा, ढगांच्या गडगडाटासह हलक्या पावसाचा अंदाज हवामान विभागाने दिला.