Pune News : राज्यातील अनेक भागात मागील तीन दिवसांपासून कमी अधिक प्रमाणात पाऊस पडत आहे. काही ठिकाणी जोरदार पाऊस हजेरी लावत आहे. तर राज्यात पुढील दोन दिवस पावसाचा जोर कायम राहण्याचा अंदाज आहे. तर त्यानंतर जोर काहीसा कमी होऊ शकतो, असाही अंदाज हवामान विभागाने दिला. 

सोमवारी बंगालच्या उपसागरात दक्षिण ओडिशाच्या किनाऱ्यालगत कमी दाबाचे क्षेत्र तयार झाले असून, त्याला लागून समुद्र सपाटीपासून ७.६ किलोमीटर उंचीवर चक्राकार वाऱ्यांची स्थिती आहे. या कमी दाब क्षेत्रापाठोपाठ शक्रवारपर्यंतपुन्हा नव्याने कमी दाब क्षेत्राची निर्मिती होण्याची शक्यता आहे. 

हवामान विभागाने आज राज्यातील रत्नागिरी, रायगड जिल्ह्यात काही ठिकाणी जोरदार ते अतिजोरादर पावसाचा रेड अलर्ट दिला. तर सातारा आणि पुणे जिल्ह्यात घाटमाथ्यावर काही ठिकाणी जोरदार ते अतिजोरदार पावसाचा रेड अलर्ट देण्यात आला. तर सिंधुदूर्ग, कोल्हापूर, ठाणे, छत्रपती संभाजीनग, जालना, परभणी, वाशीम आणि यवतमाळ जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट देण्यात आला.

तर उर्वरित जिल्ह्यांना काही ठिकाणी  उद्या कोकणातील सिंंधुदूर्ग, रत्नागिरी, ठाणे, पालघर, कोल्हापूर, सातारा आणि पुणे जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट दिला. तर मराठवाडा, विदर्भ आणि खानदेशात सर्वच जिल्ह्यांना काही ठिकाणी जोरदार पावसाचा येलो अलर्ट देण्यात आला.

बुधवारी मराठवाडा आणि मध्य महाराष्ट्रात पावसाचा जोर कमी होण्याची शक्यता आहे. मात्र कोकण आणि मध्यमहाराष्ट्रातील कोल्हापूर, सातारा, पुणे आणि नाशिक जिल्ह्यात तसेच संपूर्ण विदर्भत काही ठिकाणी जोरदार पावासाचा येलो अलर्ट देण्यात आला.