Pune News : राज्यातील तापमानात मागील काही दिवसांपासून चढ उतार होत आहेत. तर काही भागात ढगाळ वातावरण पाहायला मिळत आहे. राज्याच्या काही भागात पुढील पाच दिवस पावासाची शक्यता हवामान विभागाने वर्तविली.

राज्यात वातावरणातील गारवा वाढला. तर हवामान विभागाने आज सिधुदूर्ग आणि कोल्हापूर जिल्ह्यामध्ये काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट हवामान विभागाने दिला.

तर रत्नागिरी, सातारा आणि सांगली या जिल्ह्यांमध्ये काही ठिकाणी हलक्या सरी पडतील, असाही अंदाज हवामान विभागाने दिला होता. तसेच उद्याही सिधुदूर्ग आणि कोल्हापूर जिल्ह्यामध्ये काही ठिकाणी विजा आणि ढगांच्या गडगडाटासह हलक्या पावसाचा येलो अलर्ट आहे. तर सांगली, सातारा आणि रत्नागिरी जिल्ह्यात हलक्या पावसाचा अंदाज हवामान विभागाने दिला.

तर सोमवारी सिंधुदूर्ग आणि कोल्हापूर जिल्ह्यात काही ठिकाणी हलक्या पावसाचा अंदाज आहे. तसेच मंगळवारी सिंधुदूर्ग, रत्नागिरी, कोल्हापूर आणि सातारा जिल्ह्यात काही ठिकाणी हलका पाऊस पडू शकतो. बुधवारी सिंधुदूर्ग आणि कोल्हापूर जिल्ह्यात काही भागात पावसाचा शिडकावा होऊ शकतो, असाही अंदाज हवामान विभागाने दिला.