Weather Update Agrowon
हवामान

Monsoon Rain 2024 : राज्यात ५ दिवस पावसाचा अंदाज; राज्यात माॅन्सूनसाठी पोषक हवामान; दाखल होण्याची वेध

Maharashtra Weather Update : माॅन्सूनच्या प्रगतीसाठी पोषक हवामान असून पुढील ४ ते ५ दिवसांमध्ये माॅन्सून राज्यात दाखल होऊ शकतो, असा अंदाज हवामान विभागाने दिला.

Anil Jadhao 

Pune News : माॅन्सूनची आतुरतेने वाट पाहणाऱ्या शेतकऱ्यांसाठी आनंदाची बातमी आहे. माॅन्सून  माॅन्सूनची प्रगती सुरुच आहे. माॅन्सूनने आज कर्नाटक, आंध्र प्रदेश आणि तेलंगाणाच्या काही भागात चाल केली. तर माॅन्सूनच्या प्रगतीसाठी पोषक हवामान असून पुढील ४ ते ५ दिवसांमध्ये माॅन्सून राज्यात दाखल होऊ शकतो, असा अंदाज हवामान विभागाने दिला. 

माॅन्सूनने आज कर्नाटक, रायलसिमा, किनारी आंध्र प्रदेश आणि तेलंगणाच्या आणखी काही भागात प्रगती केली. तसेच अरबी समुद्राचा आणखी काही भाग, बंगालच्या उपसागराच्या आणखी काही भागात माॅन्सून दाखल झाला. माॅन्सूनची सिमा आज कर्नाटकातील होन्नावर, बल्लारी, आंध्र प्रदेशातील कुरनूल, तलंगणातील नरसापूर आणि पश्चिम बंगालमधील इस्लामपूर या भागात होती. 

माॅन्सूनच्या प्रगतीसाठी पोषक हवामान आहे. त्यामुळे माॅन्सून पुढील ४ ते ५ दिवसांमध्ये देशाच्या आणखी काही भागात वाटचाल करू शकतो, असा अंदाज हवामान विभागाने दिला. माॅन्सून दक्षिण महाराष्ट्र, गोव्यात दाखल होऊ शकतो.

तर कर्नाटक, रायलसिमा, आंध्र प्रदेश, तेलंगणाचा उर्वरित भाग, छत्तीसगड आणि ओडिशाचा आणखी काही भाग, तर बंगालच्या उपसागराच्या आणखी काही भागात माॅन्सून पुढच्या ४ ते ५ दिवसांमध्ये दाखल होऊ शकतो, अशा अंदाज हवामान विभागाने दिला.  

हवामान विभागाने आज राज्याच्या काही भागात उष्णतेच्या लाटेचा इशारा दिला. तर बहुतांशी भागात पावसाचा अंदाज दिला. कोकणातील पालघर आणि ठाणे जिल्ह्यात उष्णतेच्या लाटेचा इशारा देण्यात आला.

तर सिंधुदूर्ग, रत्नागिरी, रायगड जिल्ह्यात तसेच मध्य महाराष्ट्र, मराठवाडा, खानदेश आणि विदर्भातही ठिकठिकाणी पावसाचा येलो अलर्ट देण्यात आला. पुढचे चार दिवसही राज्यात ठिकठिकाणी हलक्या ते मध्यम पावसाचा अंदाज हवामान विभागाने दिला. 

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT