Pune News : राज्यात कमाल तापमानाचा पारा सातत्याने वरच जात असल्याचे दिसून येत आहे. मार्च महिन्यातच सूर्य आग ओकायला लागल्याने उन्हाच्या चटका वाढला आहे. तापमान चाळीशीपार गेल्याने तीव्र उन्हाळा सुरू झाल्याचे चित्र आहे. आज (ता. २६) राज्यात कमाल तापमानात आणखी वाढ होण्याची शक्यता हवामान विभागाने वर्तविला आहे.

विदर्भापासून उत्तर अंतर्गत कर्नाटकपर्यंत समुद्र सपाटीपासून १.५ किलोमीटर उंचीवर हवेचा कमी दाबाचा पट्टा सक्रिय आहे. विदर्भ, मराठवाड्यात अंशतः ढगाळ हवामान आहेत. तर उन्हाचा चटका तापदायक ठरत असून, दुपारच्या वेळी झळा असह्य होत उकाड्यात वाढ झाली आहे.

सोमवारी (ता. २५) सकाळपर्यंतच्या २४ तासांमध्ये मालेगाव येथे देशातील उच्चांकी ४०.८ अंश सेल्सिअस तापमानाची नोंद झाली. मालेगावसह अकोला, यवतमाळ, सोलापूर आणि ब्रह्मपुरी येथे तापमान चाळीशीपार आहे. तर मध्य महाराष्ट्र, मराठवाडा, विदर्भात अनेक ठिकाणी कमाल तापमान ३९ अंशांच्या पुढे आहे. राज्याच्या कमाल तापमानात आणखी वाढ होण्याची शक्यता वर्तविण्यात आली आहे.

सोमवारी (ता. २५) सकाळपर्यंतच्या २४ तासांमध्ये नोंदले गेलेले कमाल तापमान (अंश सेल्सिअस मध्ये) :

पुणे ३७.७, धुळे ३८.५, जळगाव ३९.३, कोल्हापूर ३७.५, महाबळेश्वर ३२.०, मालेगाव ४०.८, नाशिक ३६.८, निफाड ३६.४, सांगली ३८.४, सातारा ३८.५, सोलापूर ४०.०, सांताक्रूझ ३२.५, डहाणू ३२.५, रत्नागिरी ३३.६,

छत्रपती संभाजीनगर ३७.८, नांदेड ३९.२, परभणी ३९.५, अकोला ४०.५, अमरावती ३९.४, बुलडाणा ३७.६, ब्रह्मपुरी ४०.०, चंद्रपूर ३८.८, गडचिरोली ३६.६, गोंदिया ३७.५, नागपूर ३९.२, वर्धा ३९.९, वाशीम ३९.८, यवतमाळ ४०.२.

४० अंशांपेक्षा अधिक कमाल तापमान असलेली ठिकाणे :

मालेगाव ४०.८, अकोला ४०.५, यवतमाळ ४०.२, सोलापूर ४०, ब्रह्मपुरी ४०,