Pune News : माॅन्सूनची वाटचाल सुरुच आहेत. माॅन्सूनने आज संपूर्ण गोवा राज्य व्यापले आहे. तर माॅन्सून वाटचालीसाठी पोषक हवामान असून पुढील ३ दिवसांमध्ये राज्यात माॅन्सून दाखल होऊ शकतो, असा अंदाज हवामान विभागाने दिला. 

माॅन्सूनने आज प्रगती करत संपूर्ण गोवा राज्य व्यापले. तसेच कर्नाटकचा आणखी काही भाग, अरबी समुद्राचा आणखी काही भाग, तेलंगाणाचा आणखी काही भाग आणि संपूर्ण रायलसिमा व्यापले. माॅन्सूनची सिमा गोवा, गडग, नारायणपेठ, नरसापूर आणि इस्लामपूर भागात होती. 

माॅन्सूनच्या वाटचालीसाठी पोषक हवामान असून माॅन्सूनची वाटचाल कायम राहण्याचा अंदाज आहे. माॅन्सून पुढच्या ३ ते ४ दिवसांमध्ये महाराष्ट्राच्या काही भागात दाखल होण्याची शक्यता आहे.

तसेच कर्नाटकचा उर्वरित भाग, अरबी समुद्राचा आणखी काही भाग, तेलंगणा आणि आंध्र प्रदेशचा आणखी काही भाग, छत्तीसगड आणि ओडिशाचा आणखी काही भाग तसेच बंगालच्या उपसागराच्या आणखी काही भागात माॅन्सून दाखल होण्याची शक्यता आहे. 

हवामान विभागाने पुढील चार दिवस राज्याच्या काही भागात ठिकठिकाणी पावसाचा अंदाज दिला. कोकण, मध्य महाराष्ट्र, खानदेश, मराठवाडा आणि विदर्भात ठिकठिकाणी वादळी पावसाचा अंदाज हवामान विभागाने दिला.