Pune News : कमाल तापमानात वाढ झाल्याने राज्यात उन्हाच्या झळा वाढू लागल्या आहे. विदर्भ, मध्य महाराष्ट्रात तुरळक ठिकाणी तापमान ३९ अंशांच्या वर असल्याने उन्हाचा चटका आणि उकाडा कायम आहे. आज (ता. १५) राज्यात उन्हाची ताप कायम राहण्याची शक्यता आहे. यातच उद्यापासून (ता. १) विदर्भात पावसाला पोषक हवामान होण्याचा अंदाज हवामान विभागाने वर्तविली आहे.

पश्चिम बंगाल ते आंध्र प्रदेशच्या उत्तर किनाऱ्यापर्यंत तसेच पूर्व विदर्भापासून उत्तर तामिळनाडूपर्यंत हवेचे कमी दाबाचे पट्के सक्रिय आहेत. तर उत्तर अंतर्गत कर्नाटकमध्ये चक्राकार वाऱ्यांची स्थिती आहे.

यामुळे विदर्भात आकाश ढगाळ होऊन उद्यापासून (ता. १६) विदर्भात पावसाला पोषक हवामान होण्याची शक्यता आहे. तापमानात चढ-उतार होत असले तरी उन्हाचा चटका आणि उकाडा कायम आहे. पुढील काळात उन्हाची ताप आणखी वाढत जाणार आहे.

गुरूवारी (ता. १४) सकाळपर्यंतच्या २४ तासांत सोलापूर येथे राज्यातील उच्चांकी ३९.६ अंश सेल्सिअस तापमानाची नोंद झाली. तर चंद्रपूर, ब्रह्मपूरी, यवतमाळ येथेही पारा ३९ अंशांपार कायम आहे. अनेक ठिकाणी कमाल तापमान ३७ अंशांच्या पुढे आहे. आज (ता.१५) उन्हाचा चटका आणि उकाडा कायम राहण्याची शक्यता हवामान विभागाने वर्तविली आहे.

गुरूवारी (ता. १४) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३५.४ (१४.९), धुळे ३५.५ (११.७), जळगाव ३५.८ (१६.६), कोल्हापूर ३६.६ (२०.३), महाबळेश्वर ३०.४ (१७.२), मालेगाव ३६.६ (१७.२), नाशिक ३३.८ (१५.६), निफाड ३३.८ (११.५), सांगली ३७.५ (२०.१), सातारा ३७.१ (१७.६), सोलापूर ३९.६ (२१.६), सांताक्रूझ ३१.७ (२१.३), डहाणू - (१९.५), रत्नागिरी ३१.६ (२१.७),

छत्रपती संभाजीनगर ३६.१ (१८.५), नांदेड ३७.४ (२०.४), परभणी ३८.२ (२१.६), अकोला ३८.० (१९.०), अमरावती ३६.६ (१८.८), बुलढाणा ३४.७ (२०.२), ब्रह्मपूरी ३९.३ (१९.७) चंद्रपूर ३९.४ (१८.६), गडचिरोली ३६.० (२०.४), गोंदिया ३७.० (१७.८), नागपूर ३८.७ (१८.४), वर्धा ३८.८ (२१.०), वाशीम ३८.४ (१८.२), यवतमाळ ३९.० (१९.०).