Pune News : देशाच्या काही भागात पावसाला पोषक हवामान आहे. तर ईशान्य भाग आणि दक्षिण भागात पाऊस पडत आहे. महाराष्ट्रात मात्र आज जोरदार पावसाची नोंद नव्हती.
आग्रनेय तेलंगणा आणि शेजारच्या दक्षिण छत्तीसगड तसेच ओडिशाचा दक्षिण भाग आणि आंध्र प्रदेशच्या किनारी भागात ठळक कमी दाब क्षेत्राची निर्मिती झाली होती.

हे ठळक कमी दाब क्षेत्र आता कमी दाब क्षेत्रात रुपांतरीत झाले आहे. तसेच दक्षिण छत्तीसगड आणि शेजारच्या विदर्भात चक्राकार वाऱ्याची स्थिती दिसून येत आहे. पश्चिमी विक्षोप चक्राकार वाऱ्याची स्थिती हरियाना आणि शेजारच्या भागात दिसून येत आहे.

या सर्व परिस्थितीमुळे आसाम, मेघालय, नागालॅन्ड, मनिपूर, मिझोराम आणि त्रिपुरा राज्यात अनेक ठिकाणी पाऊस पडत आहे. तसेच केरळ, तमिळनाडू, पुद्दुचेरी, कराईकल भागात पुढील पाच दिवस काही ठिकाणी पावसाचा अंदाज हवामान विभागाने दिला आहे.

राज्यातील हवामान विचार करता, अनेक भागात आज सकाळी हवेतील गारवा वाढलेला दिसला. तसेच अनेक ठिकाणी ढगाळ वातावरणही होते. काही ठिकाणी पावसाची नुसतीच भूरभूर झाली. पण मोठ्या पावसाची नोंद नव्हती. तसेच पुढील पाच दिवस पावसाचा अंदाज नसल्याचे हवामान विभागाने स्पष्ट केले.