Pune News : देशातील काही भागात थंडीचा कडाका कायम आहे तर काही ठिकाणी पावसाची स्थिती आहे. महाराष्ट्रातही विदर्भातील काही ठिकाणी दोन दिवस पाऊस आणि ढगाळ वातावरण होते. 

उत्तर भारतातील अनेक भागात थंडीचा काडाका कायम आहे. उत्तर भारतातील बहुतांशी ठिकाणी किमान तापमान ७ अंश सेल्सिअस ते १२ अंश सेल्सिअसच्या दरम्यान होते. तर अनेक ठिकाणीचे तापमान सरासरीपेक्षा जास्तच होते.

आज पंजाबमधील अमृतसर येथे देशातील सर्वात कमी ६.१ अंश सेल्सिअस तापमानाची नोंद झाली होती. तसेच पंजाब, हरियाना, चंदीगड, दिल्ली आणि ओडिशाच्या काही भागात सकाळी धुक्याची चादर दिसून आली होती. 

पूर्व उत्तर प्रदेश, पश्चिम मध्य प्रदेशच्या काही भागात पाऊस झाला. तर हिमाचल प्रदेश, पश्चिम उत्तर प्रदेश, पूर्व मध्य प्रदेश, बिहार, झारखंड, पश्चिम बंगाल, ओडिशात काही ठिकाणी हलक्या सरी पडल्या.

तर राज्यात आज सकाळी अनेक ठिकाणी गारवा काहीसा वाढला होता. तर विदर्भातील पावसाची स्थिती निवळल्याचे दिसते. काही ठिकाणी ढगाळ वातावरणाची शक्यता आहे. तर पुढील पाच दिवस राज्यात कोरडे हवामान राहील, असाही अंदाज हवामान विभागाने दिला.