Pune News : राज्यातील अनेक भागांमध्ये आजही किमान तापमानात वाढ झाली. तर उत्तर भारतात थंडीचे प्रमाण कायम दिसते. राज्यातील किमान तापमानात पुढील काही दिवसांमध्ये आणखी वाढ होण्याची शक्यता आहे. तसेच पुढील पाचही दिवस राज्यातील हवामान कोरडे राहण्याचा अंदाज हवामान विभागाने दिला. 

उत्तर भारतात किमान तापमान मागील दोन दिवसांपासून एकाच पातळीवर दिसते. पंजाब, हरियाना, चंदीगड, दिल्ली, उत्तर प्रदेश, मध्य प्रदेश, राजस्थान, बिहार आणि झारखंडमधील बहुतांशी भागात किमान तापमान ८ अंश सेल्सिअस ते १२ अंश सेल्सिअसरच्या दरम्यान होते.

तर पंजाब, हरियाना, चंदीगड, दिल्ली, उत्तर प्रदेश, राजस्थान, बिहार आणि झारखंडच्या काही भागात किमान तापमानात २ अंश सेल्सिअस ते ४ अंश सेल्सिअसची वाढ झाली होती. तर काही भागात दाट धुक्याची चादरही दिसून आली. 

राज्यातही काही भागात किमान तापमानात वाढ झाली आहे. सकाळी वातावरणात थंडी कायम आहे. पण पुढील काही दिवस किमान तापमानात वाढ होण्याची शक्यता आहे. राज्यातील बहुतांशी भागांमध्ये पुढील पाच दिवस हवामान कोरडे राहण्याचा अंदाज असल्याचे हवामान विभागाने स्पष्ट केले.