Farm Loan Waiver Payment Delay: राज्यातील १६ लाख ९६ हजार पात्र शेतकऱ्यांच्या कर्जमुक्तीची पहिली यादी प्रसिद्ध केली होती. आतापर्यंत ११ लाख ४६ हजार पात्र शेतकऱ्यांनी आधार प्रमाणीकरण पूर्ण केले आहे. आज आम्हाला कर्जमुक्तीचे पैसे जमा करायचे होते. पण आजही तांत्रिक अडचण आली. तरीही आज किंवा उद्या बँकेत पैसे जमा होतील, अशी माहिती सहकारमंत्री बाबासाहेब पाटील यांनी पत्रकार परिषदेत दिली. .पुण्यश्लोक अहिल्यादेवी होळकर शेतकरी कर्जमुक्ती योजनेची अंमलबजावणी वेगाने सुरू आहे. पात्र शेतकऱ्यांना लवकरात लवकर लाभ मिळावा यासाठी शासन कटिबद्ध असल्याचे त्यांनी नमूद केले आहे. .Farm Loan Waiver: कर्जमाफीची रक्कम येत्या दोन दिवसांत; सहकारमंत्री बाबासाहेब पाटील यांची माहिती.ज्या शेतकऱ्यांचे दोन लाखांवर कर्ज आहे, त्यांना दोन लाखांवरील रक्कम भरण्यासाठी ३१ मार्च २०२७ पर्यंत वेळ दिला आहे. शेतकऱ्यांनी आता ५ हजार, १० हजार रुपये अशी रक्कम भरण्यास सुरुवात केलेली आहे. जशी त्यांची दोन लाखांवरील रक्कम जमा होईल तसे बँकेकडून त्या शेतकऱ्यांचे नंबर येतील. त्या याद्या आम्ही प्रसिद्ध करु. यासाठी जरा वेळ लागेल. बहुतांश म्हणजे २ लाखांच्या आत कर्ज असलेल्या शेतकऱ्यांची कर्जमुक्तीची प्रक्रिया महिनाभरात पूर्ण होईल. पण दोन लाखांवर कर्ज असलेल्या शेतकऱ्यांच्या कर्जमुक्तीसाठी वेळ लागू शकतो, असे सहकार विभागाचे प्रधान सचिव प्रवीण दराडे यांनी सांगितले..Farm Loan Waiver Helpline: कर्जमुक्ती योजनेबाबत अडचण असल्यास तक्रार कुठे करावी? महत्त्वाची माहिती.शेतकऱ्यांना आम्ही कर्जमाफी देणार आहोत. पण पंतप्रधान कृषी सन्मान योजनेतील शेतकऱ्यांना वगळणार नाही, असेही त्यांनी स्पष्ट केले. .कर्जमुक्ती योजनेंतर्गत शेतकऱ्यांना २ लाखांपर्यंत कर्जमुक्ती मिळणार आहे. यात अल्पमुदतीच्या पीक कर्जाचाही समावेश करण्यात आला आहे. तसेच नवीन पीक कर्ज घेण्याचा मार्गही मोकळा करण्यात आला आहे. पण कर्जमाफीची रक्कम प्रत्यक्षात लाभार्थी शेतकऱ्यांच्या खात्यात विलंब झाला आहे. .या योजनेच्या लाभ घेण्यासाठी शेतकऱ्यांनी ॲग्रीस्टॅक नोंदणी, आधार प्रमाणीकरण, बँकांकडून आवश्यक असणाऱ्या संबंधित प्रक्रिया तातडीने पूर्ण कराव्यात, असे आवाहन सरकारकडून करण्यात आले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
