Pune Weather Update : राज्यात ऑक्टोबर हीटच्या चटक्याने तडाखा दिल्याने उन्हाची ताप, उकाडा वाढला आहे. कोकण, मध्य महाराष्ट्रात तुरळक ठिकाणी पावसाने हजेरी लावली आहे. ढगाळ हवामानामुळे कमाल तापमानात चढ-उतार सुरू आहे. आज (ता. १८) राज्यात ढगाळ हवामानसह उन्हाचा चटका कायम राहण्याची शक्यता हवामान विभागाने वर्तविली आहे.

देशाच्या बहूतांश भागातून मॉन्सून परतला आहे. राजस्थान, हरियाणामध्ये चक्राकार वारे वाहत आहेत. तामिळनाडूच्या किनाऱ्यालगतची चक्राकार वाऱ्यांची स्थिती कायम आहे. अंदमान समुद्रातील चक्राकार वाऱ्यांपासून ते तामीळनाडूपर्यंत हवेचा कमी दाबाचा पट्टा सक्रिय आहे.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

राज्यात ऑक्टोबर हिटचा चटका तापदायक ठरत असून, अनेक ठिकाणी कमाल तापमान सातत्याने ३५ अंशांच्या पुढे आहे. मंगळवारी (ता. १७) सकाळपर्यंतच्या २४ तासांमध्ये जळगाव येथे राज्यातील उच्चांकी ३७ अंश सेल्सिअस तापमानाची नोंद झाली. ब्रह्मपूरी, अकोला, सोलापूर, वाशीम येथे तापमान ३६ अंशांपेक्षा अधिक तापमानाची नोंद झाली.

मंगळवारी (ता. १७) सकाळपर्यंतच्या २४ तासांमध्ये नाशिक, सिंधुदुर्ग जिल्ह्यात पावसाने हजेरी लावली आहे. आज (ता. १८) राज्यात मुख्यतः कोरड्या हवामानसह, कमाल तापमानात वाढ होऊन, ढगाळ आकाश राहण्याची शक्यता हवामान विभागाने वर्तविली आहे.

मंगळवारी (ता. १७) सकाळपर्यंतच्या २४ तासांमध्ये राज्यातील कमाल तापमान (अंश सेल्सिअस मध्ये) :

पुणे ३४.०, जळगाव ३७.०, कोल्हापूर ३३.६, महाबळेश्वर २५.७, नाशिक ३३.३, सांगली ३४.०, सातारा ३२.६, सोलापूर ३६.०, सांताक्रूझ ३५.६, डहाणू ३५.६, रत्नागिरी ३४.०, छत्रपती संभाजीनगर ३४.४, नांदेड ३४.२, परभणी ३४.५, अकोला ३६.५, अमरावती ३५.४, बुलडाणा ३३.५, ब्रह्मपूरी ३६.८, चंद्रपूर ३३.८, गडचिरोली ३४.२, गोंदिया ३४.२, नागपूर ३४.४, वर्धा ३५.०, वाशीम ३६.०, यवतमाळ ३५.०.

उन्हाचा चटका अधिक असलेली ठिकाणे :

जळगाव ३७.०, ब्रह्मपूरी ३६.८, अकोला ३६.५, सोलापूर ३६, वाशीम ३६.